La Usc di Ladins

Olà fajone su l nef ospedèl de Fiem? L é n gran aparat organisatif, chel che la Provinzia de Trent à metù en pe per portèr inant l percors partezipatif per la neva strutura sanitèra per la valèdes de la Veisc. Na lingia de normes, criteries, studies e valutazions che se pel troèr ence online sul sito de la PAT, e dapò scontrèdes sun desć tematics con aministradores e con esperc de desvalives setores metui a jir anter november e jené, e amò confronc con la jent sul teritorie e la regoeta de osservazions e pareres che i raprejentanc de istituzions, sociazions, ordegn profescionèi e i sentadins à manà ite (se pel jà n veder zirca 30 dal link https://drive.google.com/drive/folders/1fuk8p9BCwsY-GzGsB1R1RieRuB2J2JoX) e che duc pel amò manèr ite enscin ai 28 de firé con na mail a: partecipa.ospedale.fiemme@provincia.tn.it.

Ti prumes dis de la setemèna passèda, ai 10, 11 e 12 de firé, l é stat endrezà trei scontrèdes forin Fiem olache, per endrez del responsabol del percors partezipatif Gerardo de Luzenberger, l dirigent del Departiment Urbanistica PAT Giovanni Gardelli e si colaboradores i à portà dant na lingia de informazions.

Podede lejer dut su La Usc stampèda de en vender ai 21 de firé.  (Lucia Gross)