La Usc di Ladins

L vënderdi passà ie l Schi Club Gherdëina sezion saut di pitli pià via de viers de Tarvisio, per nuzé al miec l viac lonch de ben 4 ëura y mesa. N ti à cialà ai scialdi biei y scialdi gran trampolins de saut a Planica tla Slovenia. Truep de pitli atlec fova per l prim iede iló y à pudù udëi coche l sauta i gran atlec sun l trampolin HS 140.

On nce abù l’ucajion de pudëi se nuzé dla sentadoia per arjonjer l trampolin da sauté cun i schi HS 250. A cialé da lassù ju, se rënden cont tan de snait y preparazion che l se adrova a lascé pië via i schi ju per la salieries dlacedes.

Fat pea pra la garejedes naziuneles à set mutons dl SC Gherdëina tla categuries U10 nchin a U12 y U14, che à desmustrà dal scumenciamënt dl inviern nchin a śën n livel tecnich for miëur. 


Per la sezion saut y cumbinazion nordica dl Schi Club Gherdëina, Irene Verra


L articul va inant tla edizion nueva de La Usc di Ladins de duman vënderdi ai 21 de fauré.