La Usc di Ladins

1095 l é i dis che Maria Piaz de Pavarin la é stata internèda a Katzenau ma l é ence l numer de fiores da color de ceramica che à fat David Romelli per sia pruma mostra personèla »Come fiori nel cemento«. David Romelli l é da Cianacei, ma encomai da desvalives egn l é enciasà a Roma: la Mare del Pordoi fossa stat sia crosava, la giava de sia giava… per el, ampò l é demò la ‘nona’. Te cèsa, l ne conta, l à tras sentù contèr de ela e de sia esperienza de vita tant ria.

»Come fiori nel cemento« l é n percors che esplora la forza di fiores, n simbol de resilienza, de renasciuda e de amor; vegn zelebrà la natura desche n segn de perseveranza, de determinazion e delicateza che se à podù veder dai 14 ai 16 de firé endèna l festival #PignetoInLove a Ipogeo Necci a Roma.

De più su La Usc stampèda de en vender ai 14 de firé.  (NICO)