La Usc di Ladins

Iadi y Jites
20.02.
Jita d’inviern sun Senes
La grupa »Nëus jon pa bel plan« mët a jì na jita sun Senes n juebia ai 20 de fauré. L sarà da jì feter cater ëura y mesa, n deslivel de 570 metri. Iscri­zions nchin ai 18.02. da Ciofs Inge a Urtijëi, da Malsiner Soriva a S. Cristina, da Sport Bruno Riffeser te Sëlva.

Cursc
Atualmënter
Iscrizions curs de tudësch
L Cumité per Ntegrazion Gherdëina deberieda cun i chemuns mët a jì n curs de tudësch per chëi che sa bele mpue - dai 2 de auril inant uni lunesc y mierculdi, 9:00 - 11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
25.02.
Curs: fé Makramee cun Gabi
Tla biblioteca de San Durich vëniel metù a jì n curs per fé makramee cun Gabi Anvidal­farei, n merdi ai 25 de fauré dala 19:30. N possa se nuté su te biblioteca. Cuntribut per l curs y material: 10,00€.

Mostres y Ert
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.
Atualmënter
Ismaele Soraperra tl Tublà da Nives te Sëlva
La mostra »Träume/Vanishing« de Ismaele Soraperra tl Tublà da Nives te Sëlva resta davierta nchin ai 21 de fauré, uni di ora dl lunesc dala 15:00 ala 18:00.
Atualmënter
Alpaca y ert: mostra de solidarità per l Perù
La grupa Gherdëina per l Perù mët a jì na mostra d’ert unica per n bon fin. L’esposi­zion sarà dai 6 ai 23 de fauré tla Lia Mostra d’Ert a Urtijëi. Orar de giaurida: 09:30-12:00 e 15:00-19:00, de vënderdi y sada nce dala 20:00 ala 22:00.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la domënia dales 10:00 ales 12:00.
Atualmënter
Mostra de Markus Moling a Bornech
Cina ai 3 de merz él da odëi tl Café – Atelier »Pinta Pichl« a Bornech (Oberragen 3) na mostra de Markus Moling da La Val. La mostra é daverta dal lönesc al vëndres dales 8:00 ales 19:00 y la sabeda dales 8:30 ales 18:00.
22.02 – 09.03
Intreciades
Con la curazion de Jahel Beer met fora sies operes les nuef artistes de leam con la Val Badia y l’EPL-Ert por i Ladins Silvia Baccanti, Youlee Ku, Maria Pezzedi, Irina Tavella, Irma Irsara, Gaia Lionello, Cristina­rosa Pizzinini, Ursula Tavella y Jutta Valentini. I orars de daurida dla mostra é: dal lunesc al vender da les 16:00 a les 19:00, y sabeda y domenia da les 10:00 a les 12:00 y da les 16:00 a les 19:00. La vernissaja é sun l pro­gram en sabeda ai 22 de firé da les 18:00.

Referac
26.02.
Referat: Maië bon y sann
La Lia di Artejans n pension nvieia a chësc referat cun la referënta Ivonne Daurù, n mierculdi ai 26 de fauré dala 17:00 tla Pitla Sala tla Cësa di Cungresc a Urtijëi.

Temp Lede
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 20 de fauré sarà Kevin Brook da audì tl Restaurant Pizzeria Turonda y DJ Maxi meterà su mujiga tl Caffé Haiti. L prugram plu avisa ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada inte­rativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
16.02.
Di dla families sun Pana
L Zënter de Pudejé sun Pana nvieia duta la families n dumënia ai 16 de fauré dala 9:00 inant a purvé ora l sport dl pudejé. Per chësta ucajion puderà la families se mpresté l material y jì a pudejé debant.
17.02.
Desmustrazion sun i schi
Ai 17 de fauré dala 18:30 fajerà la Scola de Schi y Snowboard 2000 na desmustrazion sun i schi sun l purtoi da Frëina (Ciampinëi).
17.02.
Nos Ladins cun Egon
Tres la iniziativa »Nos Ladins« án la poscibilité da descurí deplü sön le monn ladin y i mistiers de nosta jënt. En lönesc ai 17 de forá pón porvé fora dales 13:30 da jí cun i schi da paslunch adöm a Egon, maester y diretur dl zënter paslunch Alta Badia. Iscriziuns y informaziuns online o ti ofizi turistics dl’Alta Badia.
18. y 20.02.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schipass, la cherta de plü dis o an pó ince cumpré na cherta por chë sëra.
19.02.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
19.02.
Spetacul sön i schi a Badia
En mercui ai 19 de forá gnarál porté dant dales 18:00 sön la pista »La Crusc 1« n spetacul söi schi organisé dala scora de schi de Badia adöm al Freestyle Team y al Ski Team Alta Badia. Ara se trata de na manifestaziun particolara, olache düc chi che ó pó fá para y abelí le spetacul sön i schi. An mëss se prenoté anter le de denant pro la scora de schi de Badia. I posc é limitá.
20.02.
Sëirea de juesc cun la lia Trix
La lia Trix nvieia a na sëira de juesc da mëisa n juebia ai 20 de fauré dala 20:00 tl local Saut dla Nëus Jëuni Gherdeina a Urtijëi. L sarà da abiné velch per uniun:a!
20.02
Nos Ladins cun Daniel
Tres la iniziativa »Nos Ladins« án la poscibilité da descurí deplü sön le monn ladin y i mistiers de nosta jënt. En jöbia ai 20 de forá pón passé n domisdé cun l’artejan Daniel, a Pidrô. Dales 14:00 ales 16:00 pón odëi y porvé fora de vigni sort de laurs cun produc naturai y dl post. Iscriziuns y informaziuns online o ti ofizi turistics dl’Alta Badia.
20.02.
Nöt dla liösa a San Ciascian
En jöbia ai 20 de forá vëgnel metü a jí la »Nöt dla liösa«, olache le tru dla liösa »Foram« a San Ciascian gnará ilominé. Les chertes por l’implant »Piz Sorega«, che sará davert dales 19:30 ales 22:30, pón cumpré diretamënter pro staziun. An pó ince s’impresté fora liöses söl post.
20.02.
Cun la gücia da sëra
En jöbia ai 20 de forá pón se fá na roda cun la gücia da sëra, fora por le tru di artisć anter La Ila y San Ciascian. An pëia ia dales 20:45 da Altin demez y an podará amiré les operes di artisć ladins ilominades. Iscriziuns y infor­maziuns online o ti ofizi turi­stics dl’Alta Badia.
20.02.
Bun de Gran Risa
Tres l’iniziativa »Bun de Gran Risa«, en jöbia ai 20 de forá, deura l’implant de »Piz La Ila« bele dales 6:55. Dui maestri de schi dl’Alta Badia acompagnará i partezipanc dui iadi jö por la Gran Risa. Dedô pón ciamó jí a gosté te na ütia. Prenotaziiuns ti ofizi turistics dl’Alta Badia.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
Iscrizions Spring Race
La Lia per l Turism fej a l savëi che la iscrizions per la Spring Race ie daviertes nchin ai 27 de fauré. La garejeda sarà ai 22 de merz y l puderà fé pea 50 grupes da 6 parte­zipanc y n maester de schi y na grupa Charity.
Atualmenter
Carnascèr sui festii
Fin ai 8 de mèrz tel paisc de Vich se pel veder 12 ciasetes sui festii fornides da Carnascèr relisèdes da la sociazions de paisc, privac, scoles e istitu­zions.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta. Ai 19 de firé da les 16:30 l tem sarà la emozions: la ira. Se jirà inant ai 19.03, ai 30.04 e ai 28.05. Info al 389 1122243, ence whatsapp, o a sangio vannidifassa@biblio.tn.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
16.02.
Sègra de Sènt’Ugèna
En domenia ai 16 de firé vegn festejà la patrona de Fascia, Sènt’Ugèna. Da le 10:00 ponta via la prozescion da la capela de Vich, da les 10:30 messa solene con don Mario Bravin.
03.03.
Instà tl Bosch per mut*ns dla scolina: iscrizions
L proiet per l instà Instà tl Bosch, per mutons y mutans dai 3 nchin a 6 ani, vën metù a jì dala Scolina tl Bosch, dai 30.06. nchin ai 01.08. dala 07:45-12:30. La iscrizions possa unì fates tres mail ai 03.03. dala 07:00 inant: info@canalescuola.it
04.03.
Enes dla ventura per mut*ns dla elementera: iscrizions
L proiet per l instà «Enes dla ventura», per mutons y mutans dala prima ala terza elemen­tera, vën metù a jì dala Scolina tl Bosch, ntan l’ena dai 04.08.–08.08. y chëla dai 18.08.–22.08., dala 07:45–12:30. La iscrizions possa unì fates tres mail ai 04.03. dala 07:00 inant: info@canalescuola.it
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sëlva ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions possa unì fates tres mail a info@njg.it, a Urtijëi ai 13.03., a Run­cadic ai 14.03., a S. Cri­stina ai 11.03. y te Sëlva ai 10.03., for dala 07:00 inant. Nfurmazions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mutans dl 2018-2020 y na segonda grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.
19.02.
L Sveiarin vel ve descedar
En mercol ai 19 de firé da les 20:30 te la Gran Ciasa a Sora­ga l grop de mendranza del Comun de Soraga ‘L Sveiarin’ envia duta la popo­lazion a na scontrada per meter dant na sumada sul mandat 2020-2025 e la vijion sul davegnir.

Mujiga
15.02.
Conzert a La Grenz
En sabeda ai 15 de firé da les 21:30 a La Grenz, te strada Saslonch 56 a Moena, l é l conzert de musega »Max De Aloe« con Max De Aloe con l orghen da bocia e l orghen da mantesc, Roberto Gorgaz­zini al piano, Roberto Dellan­tonio al contrabas e Enrico Tommasini a la bateria.
23.02.
»Strings in Motion« – cunzert
Tla Cësa di Cungresc Luis Trenker a Urtijëi saràl n du­mënia ai 23 de fauré dala 20:00 n bel cunzert dl en­semble »Strings in Motion«.
21.02.
Performance de Marco Mattia
Ai 21 de firé, te la Dì interna­zionèla del lengaz de la mère, i Servijes linguistics e culturèi del Comun General de Fascia endreza »Sonèr la paroles«, na performance dal vif de paroles che doventa sons col artist Marco Mattia da les 17:00 a Poza, te Piaz de Comun.

Dotours
Dutor Gherdëina
L dutor de servisc da n sada ai 15.02. dala 08:00 daduman nchin la 08:00 daduman de n lunesc ai 17.02. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 15 y 16 de forá él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 14.02. nchin n vënderdi ai 21.02. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 14 de forá dales 19:00 al vëndres ai 21 de forá ales 19:00, é chëra da San Martin/Picolin, tel. 0474 523020.

Sport
15.02.
HC Gherdëina vs. HC Maran
Tl stadio Pranives de Sëlva saràl ai 15 de fauré dala 20:30 la partida danter l HC Gher­dëina y l HC Maran.
18.02.
HC Gherdëina vs. Wipptal Broncos
Tl stadio Pranives de Sëlva saràl ai 18 de fauré dala 20:30 la partida danter l HC Gher­dëina y i Wipptal Broncos.
21.02.
IHL Divijion 1: HC Gherdëina vs. HCP Junior Selection
Tl stadio Pranives te Sëlva saràl ai 21 de fauré dala 20:30 la partida contra l HCP Junior Selection.

Chino
Atualmenter
Al chino de Cianacei
Insnet, vender ai 14 de firé da les 17:00 l é »A dog man« e da les 21:15 l é »A complete unknown«, sabeda ai 15 da les 21:15 e domenia ai 16 da les 17:00 l é »Captain America: Brave new world«, domenia ai 16 da les 21:15 l é »Itaca-Il ritorno«, jebia ai 20 da les 21:15 e vender ai 21 da les 17:00 l é »Captain America: Brave new world«. Info www.cinemacanazei.it
Atualmenter
Al chino de Tieser
Insnet, vender ai 14 de firé da les 21:15, sabeda ai 15 da les 21:15 en 3D e domenia ai 16 da les 17:00 en 3D l é »Captain America-Brave new world«, domenia ai 16 da les 20:30 l é enveze »A complete unknown«, jebia ai 20 da les 21:15 per la rassegna »Il piacere del cinema« l é »Tofu in Japan«. Info www.cinema tesero.com.
Atualmenter
Al chino de Pardac
Doman, sabeda ai 15 e do­menia ai 16 de firé da les 17:00 l é »10 giorni con i suoi«, sabeda ai 15 da les 21:00 e domenia ai 16 da les 20:30 l é »We live in time«, vender ai 21 da les 21:00, sabeda ai 22 da les 17:00 e domenia ai 23 da les 17:00 l é »Paddington in Peru«. Info su www.cinema predazzo.it

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
18.02.
Ladins tl monn (1) – Daniel Comploi
Dales 20:50 ca. Program de Esther Videsott y Agostino Fuscaldo, a cura de Leo Se­noner.
19.02.
Trail Spezial – La mascherèdes de la Èlpes: Patrimonie Unesco?
Dales 20:50 ca. Con n projet pontà via da Belun, ence l carnascèr del Grop de la mèscres de Dèlba e Penia, l é vegnù tout ite te n projet per la candidatura Unesco. Con la mascherèdes de la Provinzia de Belun e cheles ladines de la Ciarnia. Per entener la reijes di carnascères de la Èlpes, vegn fat n aprofon­diment con l antropolog Ce­sare Poppi che à vivù te Fa­scia per enrescir la mendranza ladina. A cura de Valentina Redolfi.
20.02.
Eie e Spieie – »Amò con…«
Dales 20:50 ca. Program de Cinzia Pistoia y Georg Penn, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
18.02.
L’inteliënza artifiziala
Dales 13:45. L’espert dla rëi de internet Markus Rabanser da Urtijëi, nes cunta te chësc program de n meso aprijé da tröc y contesté da d’atri: l’inte­li­ënza artifiziala. N program de Sara Frenner.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.02.
Le tennis
Dales 19:05. Plö de n terz dla popolaziun taliana é apascioné dl tennis, un di sporc atual­mënter plö »in«. Da olá vëgn pa le termin »tennis«? Ci jüch fô pa le »Jeu de Paume«? Tra­tan la trasmisciun podares ascuté sö de plö informaziuns sura les origines de chësc sport. Program de Iris Del Valle.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Religion
15.02.
»Jesus, Kids & Teens«
A duc i mutons y jëuni dala terza elementera inant y duc chëi dla mesana! Ai 15 de fauré se ancónten dala 16:00 te calonia de Sëlva, per jì ala lergia a fé de pitla scultures tla nëif. Prëibel se tré sëura aldò.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pros­cim termin é ai 27 de forá. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
14.02.
Chidlé – grupa »Deberieda«
N vënderdi ai 14 de fauré se ancónten dala 14:00 a Urtijëi dan la Cësa de Paussa per jì a chidlé. »Deberieda« ie na grupa cun ulenteres per se ancunté danter persones che à problems psichics o de sozia­lisazion.

Teater
20.02.
Sajon teatrala de Fiem
Per la sajon teatrala de Fiem, insnet, en jebia ai 20 de firé da les 20:45 te teater de Par­dac, Stefano Francioni Produ­zioni met dant l spetacol »Carta straccia« de Pino Stro­bioli e Sabrina Knaflitz, mu­seghe de Carlo Vannini.
20.02.–03.03.
Teater a S. Cristina
La grupa Teater S. Cristina nvieia a la reprejentazions dl pez de teater da rì »Streich­quartett« de Szöke Szakàll. Regia y traduzion tl gherdëina de Willy Runggaldier. La premiera ie n juebia ai 20 de fauré dala 20:30 tl self de Chemun a S. Cristina. Daldò saràl mo cin’ reprejentazions–for tl self de Chemun: 23.02. dala 17:00, 25.02. y 28.02. dala 20.30, 02.03. dala 17:00 y 03.03. dala 20.30. Chertes danora: 339 3399266 (Paola Stuffer).
27.02.
Rassegna de teater ladin
Tel chèder de la Rassegna de teater ladin del CGF en jebia de Carnascèr ai 27 de firé da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Te tieja del ors« de Stefen del Monech.