La Usc di Ladins

»In Anpezo son drio a vive el vantaśo che me vien da i Śoghe olimpiche e paralimpiche d’inverno 2026. El nosc paes el vó se fei fora noo par el sport e par ra vita de dute i dis«. El capocomun anpezan Gianluca Lorenzi Chenopo ‘l à portà ra vosc de chesta val a Milan, ai 6 de febraro, canche i à fato »One year to go«, un an ignante de ra Olimpiades. »L é stà da lourà dasen, dute aduna: gra­marzé a chesta scuadra – ‘l à dito Lorenzi al capocomun de Milan, a i presidentes de ra Rejos Veneto e Lombardia, de ra Provinzies de Bolzan e Trento, al governo talian – ades ‘l é da fei ‘l ultimo toco de strada, che pó ese el pi difizile, ma śiron adora, da mostrà a dute, a r’Italia e al mondo, che i Śoghe Milano Cortina 2026 i sarà i pi biei de senpre«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper