La Usc di Ladins

L é stat chiamà ite online l Consei General en mercol ai 5 de firé. L obietif l era chel de ge dèr l met a più conseieres, ence chi che é dalonc, de tor pèrt. Chest ence acioche sie maor segureza de aer l numer legal ajache – à dit dapò l procurador Giuseppe Detomas – chel l era l ultim dì utol per aproèr la Convenzion, che dapò l medemo Detomas aessa cognù jir a sotesctiver l dì do, per meter a jir a na vida sozièda con »Egato« la funzions e la ativitèdes per la gestion integrèda di refudames urbans.
Anter i dubies l prum vegnù fora l é l fat che ge vegn emponù a duc i Comuns e Comunità de aproèr la Convenzion te 45 dis, pena l comissariament, canche l Statut, che l aessa cognù vegnir aproà te medemo moment, no l é amò sun desch: l Egato no l é amò ruà a l enjignèr.

De più su La Usc stampèda de en vender ai 14 de firé.  (Lucia Gross)