La Usc di Ladins

Ai 3 de fauré ie stat l prim ntervënt per l pilot nuefSeppl Mussner sun Mont de Sëuc, ulache n ël fova tumà cun i schi y ova giapà na burta scas­seda al cë. N ie julei limpea tl spedel de Bulsan, ulache n à nce menà n’ëila che ova batù l cë y à messù unì ntubeda.
N chël di iel stat mo trëi ntervënc, for sun purtoies dai schi.
Ai 4 de fauré ie n ël polach tumà cun i schi a Al Plan. Cun n os dla cuessa rot iel unì menà cun l joler tl spedel de Burnech.
Daldò iel stat mo n nzidënt sun n purtoi a Corvara/Col Alt: n ël se ova fat mel ai ufs. Nce ël àn menà tl spedel de Burnech.
Riesc do iesen julei tl Edelweisstal a Corvara per n ël canadesc a chël che l ti ova dat l bòt al cuer. Deberieda cun l sucors sun purtoi iesen stac boni dl reanimé, per l mené pona tl spedel de Bulsan.
A Persenon scentant àn menà n pazient che se ova fat n gran tai do che l fova tumà cun i schi a S. Cristina y plu inant nce n’ëila che se ova fat mel a n jenodl sun Mont de Sëuc.

De plu tla edizion stampeda de La Usc di Ladins o sun l e-paper a paiament www.lausc.it/e-paper