La Usc di Ladins

Va inant ence del 2025 la cordanza anter la Provinzia de Trent, i Consorzies BIM del Trentin, la Federazion Trentina de la Cooperazion e la Sociazion Artejegn per la seconda edizion del ‘Bando fregolères’ che à l obietif de miorèr la calità de l’aria del teritorie provinzièl.

»I numeres de la pruma edizion, con passa mile domanes ruèdes ite, conferma che sion su la strèda giusta. Sion segures che ence per l bando 2025 la resposta de la comunanza sarà positiva« à dit l’assessora al ambient Giulia Zanotelli.

Fin ai 31 de otober i sentadins pel prejentèr domana de contribut per mudèr fora si fornie, fregolères averc e caldaies a legna. Pel fèr domana duc i sentadins del Trentin per la majon olache i stèsc o per n soul intervent. La domanes cogn vegnir portèdes dant demò online sul sito internet del BIM de referiment, che gestesc l prozediment de conzescion di contribuc.


De più su La Usc stampèda de en vender ai 7 de firé.