La Usc di Ladins

La scola Gaia, metuda su dala Lia Gaia dan n valgun ani da pert de n valgun genitores che ova na gran ueia y scumenciadiva de mëter su na realtà alternativa ala streda dl nseniamënt tradiziunel, ie śën ufizialmënter na scola recunesciuda. Chël uel dì che la possa se aministré da sëula, se cruzian nstëssa dla iscrizions y lauran do l cunzet pedagogich che ie unì studià y laurà ora a puntin.

Dan l recunescimënt ne fova chësc nia puscibl. Iló messova la scola se adaté al curricula – l program didatich – de n’autra scola y i sculeies y la sculeies messova ala fin dl ann fé n pitl ejam pra la scola aministradëura, per desmustré de avëi arjont i fins udui dant da chëla scola. Tres l recunescimënt toma chësc demez y nosta scola à nscila nce plu liedëza tl nseniamënt. Al mumënt iel 16 mutons y mutans che va tla scola Gaia.

Per la Lia Gaia, Isabella Mussner y Romina Costa


L articul ntier tla edizion nueva de La Usc di Ladins de n vënderdi ai 14 de fauré.