La Usc di Ladins

Peste te prejentèr?
Gio son Ester Pollam, son da Vich, del 2002, é fat l liceo lin­guistich de la Scola Ladina e ades studie ciantia lirica a la Civica Scuola di Musica Claudio Abbado de Milan.

Can aste tacà a studiar?
É scomenzà con la Scola de Mu­sega Il Pentagramma jà canche aee 6 egn, fajee formazion musi­cala e coro col Maester Ilario Defrancesco. Entorn i 17 egn Ilario me à fat cognoscer la Maestra Oda Hochscheid che enlouta la tegnia lezion de vocalità e ajache aee problemes con la ousc l me à dit che aesse podù me oujer a ela che fosc la podea me didar. É tacà con na lezion en setemena, l é stat la Maestra Oda che me à spent a jir inant coi studies de lirica, la me à fat cognoscer la Maestra Adelisa Tabiadon, che la tegn le master­class d’istà e la ensegna a Milan.

A che an este?
Ades son do che fenesc l terzo an, cognesse me laurear de messal o de november. E dapò volesse far amò doi egn ma no sé amò olà, fazile restaré semper con la medema ensegnanta. (MCI)

De plu tla edizion stampeda de La Usc di Ladins o sun l e-paper a paiament www.lausc.it/e-paper