La Usc di Ladins

L program ‘Pedies’ l porta dant neves e curiositèdes da Fascia, e da l’autra valèdes ladines, a na vida gustegola, feruscola e sćiantiva, col uzèr fora l lengaz ladin tras l’atualità.

Pedies l é endrezà dal personal di Servijes linguistics e culturèi del Comun General de Fascia co la supervijion de la giornalista responsabola Monica Cigolla, e l vegn fora vigni sabeda sul canal Youtube TV ladina, e sun Trentino Tv – de sabeda da les 6:00 da sera, de domenia da mesa la does domesdì e de lunesc da mesa les 12:00. Se pel veder i singoi servijes ence su la piata Facebook TV Ladina.

L program, vif e atif sun nosc raion e ence te duta la valèdes ladines, l à chela de tor ite semper più jent e, con chest meis de firé l é na bela neva: l vegn manà fora ence sun AltoAdige TV de domenia da les 6:00 da sera.

Pedies l é n projet che vegn metù a jir col sostegn del Comun General de Fascia, de la Provinzia autonoma de Trent e de la Region autonoma Trentin–Sudtirol.


 (AP)