La Usc di Ladins

I ne sá nia sce i ves recordëis de Simon Fistill da La Ila, che manajëia bele da plü agn incá la pizzeria "Piccadilly", a Casinalbo dlungia Modena. I un scrit de ël de merz dl 2020, canche al ê pormó sbroché fora le Covid. L’Emilia Romagna ê danter les regiuns plü atocades y Simon ê pro les porsones che á atira mostré solidarieté. Vigni de ti scincâl incër 30 pizzes a doturs y personal sanitar dl ospedal de Baggiovara, che ê bindebó sot a presciun. Sëgn, cin’ agn dedô, baiunse indô de sües pizzes, mo te döt n ater contest: por le secundo iade á so pizzaiolo Elia Postica arjunt le 2. post pro le campionat mondial dla pizza, tigní a Rimini de jená. Le campionat "Pizza senza Frontiere 2025" é gnü a s’al dé en ocajiun dla fiera di sorvisc de restoraziun Sigep. Por chësc campionat s’á Simon Fistill inventé la pizza "Dolomiti", cheriada deboriada cun l’apascioné de ciasadafüch Davide Crazzolara da San Ciascian.

Deplü ves cuntunse t’La Usc di Ladins di 7 de forá  (pablo)