La Usc di Ladins

Dotours
Dutor Gherdëina
L dutor de servisc da n sada ai 08.02. dala 08:00 daduman nchin la 08:00 daduman de n lunesc ai 10.02. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Tla fin dl’edema di 8 y 9 de forá él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Giovanni Crivellaro, La Ila, tel. 348 0014266.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 07.02. nchin n vënderdi ai 14.02. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 7 de forá dales 19:00 al vën­dres ai 14 de forá ales 19:00, é chëra da La Ila, tel. 0471 847152.

Chino
Atualmenter
Al chino de Pardac
Doman, sabeda ai 8 de firé da les 21:00 e domenia ai 9 da les 20:30 l é »Bagman«, mercol ai 12 da les 21:00 l é »10 giorni con i suoi«. Info su www.cinemapredazzo.it
Atualmenter
Al chino de Tieser
Insnet,vender ai 7 de firé da les 21:15 e domenia ai 9 da les 20:30 l é »10 giorni con i suoi«, jebia ai 13 da les 21:15 per la rassegna ‘Il piacere del cinema’ l é »Emilia Perez«. Info www.cinematesero.com.

Avisc
Atualmënter
Iscrizions Spring Race
La Lia per l Turism fej a l savëi che la iscrizions per la Spring Race ie daviertes nchin ai 27 de fauré. La garejeda sarà ai 22 de merz y l puderà fé pea 50 grupes da 6 partezi­panc y n maester de schi y na grupa Charity.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta. Ai 19 de firé da les 16:30 l tem sarà la emozions: la ira. Se jirà inant ai 19.03, ai 30.04 e ai 28.05. Info al 389 1122243, ence whatsapp, o a sangiovanni difassa@biblio.tn.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
16.02.
Sègra de Sènt’Ugèna
En domenia ai 16 de firé vegn festejà la patrona de Fascia, Sènt’Ugèna. Da le 10:00 ponta via la prozescion da la capela de Vich, da les 10:30 messa solene con don Mario Bravin. La volontadives da Vich e i Alpins enjigna la marena te Oratorie e ola de la fortuna. En jebia ai 13 te capela de Vich da les 20:30 zelebrazion penitenzièla con don Giacomo Violi.
03.03.
Instà tl Bosch per mut*ns dla scolina: iscrizions
L proiet per l instà Instà tl Bosch, per mutons y mutans dai 3 nchin a 6 ani, vën metù a jì dala Scolina tl Bosch, dai 30.06. nchin ai 01.08. dala 07:45-12:30. La iscrizions possa unì fates tres mail ai 03.03. dala 07:00 inant: info@canalescuola.it
04.03.
Enes dla ventura per mut*ns dla elementera: iscrizions
L proiet per l instà «Enes dla ventura», per mutons y mutans dala prima ala terza elemen­tera, vën metù a jì dala Scolina tl Bosch, ntan l’ena dai 04.08.–08.08. y chëla dai 18.08.–22.08., dala 07:45–12:30. La iscrizions possa unì fates tres mail ai 04.03. dala 07:00 inant: info@canalescuola.it
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sëlva ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions possa unì fates tres mail a info@njg.it, a Urtijëi ai 13.03., a Run­cadic ai 14.03., a S. Cri­stina ai 11.03. y te Sëlva ai 10.03., for dala 07:00 inant. Nfurmazions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mutans dl 2018-2020 y na segonda grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.02.
Sport Ladin
Dales 20:50 ca. Program de Diego Clara y Hartmann Mairhofer, a cura de Leo Se­noner.
12.02.
Natura y ambient – biraries artejanales tla Ladinia
Dales 20:50 ca. Program de Karin Pizzinini y Fulvio de Martin, a cura de Alessandro Dapunt.
13.02.
Nosta scola – atualità dala scoles dla valedes ladines
Dales 20:20 ca. Tl’edizion de fauré ons cumpanià la terza tlas dl lizeum d’ert Cademia tl Museum Gherdëina, ulache i sculeies à pudù scuvrì curëc de nosc raion, tres la culezion de geologia, na publicazion sun l Itiosaur de Secëda y l cunfront dal vif cun n espert tla materia. Tla rubrica sota l udlon nes conta te chësta edizion Christa Perathoner, nsenianta de muvimënt y sport, dla mpurtanza dl mu­vimënt tla scola elementera. Sëuraprò ti ons fat vijita al ITE de la Ila, ulache l ie unì a s’l dé na culaburazion cun l’ARA Sompunt sun l’eges pazies. Tesc’ y cunzec de Lena Mulser, camera y tai de Hans Peter Karbon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
12.02.
»Coche fiores tel ziment«
Dales 13:45. A Roma, dai 14 ai 16 de firé, delaite de la rasse­gna #PignetoInLove vegnarà portèda dant la pruma mostra personèla de David Romelli dal titol »Coche fiores tel zi­ment«. Ti dis olache vegn zelebrà l’amor te duta sia for­mes, chesta esposizion la vel meter l’azent su l’amor envers i giaves tras la fegura de Maria Piaz de Pavarin, crosava del ceramist fascian, cognosciuda a duc desche la Mère del Por­doi. Rejonaron de chest belapontin con David Romelli. Conduzion Cinzia Pistoia.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
07.02.
Fé l buschier – Andreas Perathoner da Lip
Dales 19:05. Te chësta se­gonda pert dla ntervista rejona l buschier Andreas Perathoner dla meltra dl chëifer dla scor­za, coche la fova n chëla sëira dla desgrazia dl vënt »Vaja« y ti dis daldò y de vel’credënzes y usanzes da zacan ntëur al taië lëns. Trasmiscion de Georg Mussner.
08.02.
Momënc de vita – intervista a Linert Clara
Dales 19:05. Linert Clara é nasciü a Lungiarü sön n lüch da paur, olache al é chersciü sö te na gran familia. Do la scora elementara y do avëi lauré n per de agn âl fat n curs por corespondënza de eletrotecnica y spo âl ciafé da laur sciöche eletrizist te na gran dita tla Svizra a Luzern. Linert nes cunta de so interes y curiosité por le strom, de so laur tla Svizra y de canche al é indo gnü zoruch a vire a Lungiarü. N program de Erika Castlunger.
Informaziuns
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Sport
08.02.
IHL Divijion 1: HC Gherdëina C vs. HC Milano Devils
Tl stadio Pranives te Sëlva saràl ai 8 de fauré dala 20:30 la partida contra l HC Milano Devils.
08/09.02.
Copa del Mond de ski cross
Ai 8 e 9 de firé sun Sèn Pele­grin sul portoi Monzoni vegn endrezà la garejèdes de Copa del Mond de ski cross. Do la calificazions de jebia e vender, en sabeda la finèles taca ite dal 12:00 fin les 13:20. Da sera da les 18:00 te piaz de Sotegrava a Moena l é la pre­miazions e la prejentazion de la garejèda de la domenia che sarà semper da les 12:00, sobito do premiazions finèles.

Mostres y Ert
Atualmënter
Ismaele Soraperra tl Tublà da Nives te Sëlva
La mostra »Träume/Vanishing« de Ismaele Soraperra tl Tublà da Nives te Sëlva resta davierta nchin ai 21 de fauré, uni di ora dl lunesc dala 15:00 ala 18:00.
Atualmënter
Scultures de dlacia a Urtijëi
De plu artisć y artistes à ziplà scultures de dlacia tl zënter de Urtijëi. L argumënt de chëst ann ie la ferata de Gher­dëina y la figures puderà unì amiredes tan giut che l tëmp l lascia pro.
Atualmënter
Mostra coletiva: Cuntredes do la dlaciazion
Tla galaria Vijion a Puntives iel metù ora na mostra dal titul »Cuntredes do la dlacia­zion«, che resterà da udëi nchin ai 10 de fauré, dal lunesc nchin la sada, 16:00–19:00, o cherdan su l 3382098697. Artistć che mët ora: Wilma Kammerer, Daniela Brugger, Erich Erler, Leonhard An­gerer, Rudolf Emil Klöden, Silvia De Bastiani, Lukas Schäfer y Cesare Maggi.
Atualmënter
Alpaca y ert: mostra de solidarità per l Perù
La grupa Gherdëina per l Perù mët a jì na mostra d’ert unica per n bon fin. L’esposi­zion sarà dai 6 ai 23 de fauré tla Lia Mostra d’Ert a Urtijëi. Orar de giaurida: 09:30-12:00 e 15:00-19:00, de vënderdi y sada nce dala 20:00 ala 22:00.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la do­mënia dales 10:00 ales 12:00.
07.02.
Mostra de Markus Moling a Bornech
Incö vëndres ai 7 de forá dales 18:00 vëgnel daurí tl Café – Atelier »Pinta Pichl« a Bornech (Oberragen 3) na mostra de Markus Moling da La Val. La mostra é da odëi fina ai 3 de merz, dal lönesc al vëndres dales 8:00 ales 19:00 y la sabeda dales 8:30 ales 18:00.

Mujiga
15.02.
Conzert a La Grenz
En sabeda ai 15 de firé da les 21:30 a La Grenz, te strada Saslonch 56 a Moena, l é l conzert de musega »Max De Aloe« con Max De Aloe con l orghen da bocia e l orghen da mantesc, Roberto Gorgaz­zini al piano, Roberto Dellan­tonio al contrabas e Enrico Tommasini a la bateria.

Temp Lede
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 13 de fauré sarà Kevin Brook da audì tl Bar Stetteneck & Café Adler y Simon Deejay meterà su mujiga tl Caffé Corso. L prugram plu avisa ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada in­terativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
07.02.
Storia de 15 menuc
Tla biblioteca de San Durich a Urtijëi liejerà Emily dant na bela storia per mutons:ans, ncuei vënderdi ai 7 de fauré dala 15:00.
08.02.
Kids Ski Show – Desmustrazion sun i schi
La Scola de Schi y Snowboard de Urtijëi mët a jì na Kids Ski Show – na desmustrazion sun i schi de mutons y mutans dl luech – sun l purtoi da Palmer a Urtijëi, dala 16:30 inant.
11. y 13.02.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schi­pass, la cherta de plü dis o an pó ince cumpré na cherta por chë sëra.
12.02.
Pudejé de nuet cun luna colma
Sun Pana puderàn nuzé la pista da pudejé debant per pudejé de nuet cun luna col­ma, ai 12 de fauré dala 20:00 inant. L mprëst dai schi ie n chësta sëira daviert.
12.02.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
12.02.
Nos Ladins cun Michele
Tres la iniziativa »Nos Ladins« án la poscibilité da descurí deplü sön le monn ladin y i mistiers de nosta jënt. En mercui ai 12 de forá pón passé n domisdé te furnaria de Michele a La Ila y imparé da fá bales, dales 15:30 ales 18:00. Iscriziuns y informaziuns online o ti ofizi turistics dl’Alta Badia.
13.02.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 13 de forá dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá con­sëis y spliga les regoles. Al é ince la poscibilité da s’impresté fora jüc.
13.02.
Bun de Gran Risa
Tres l’iniziativa »Bun de Gran Risa«, en jöbia ai 13 de forá, deura l’implant de »Piz La Ila« bele dales 6:55. Dui maestri de schi dl’Alta Badia acompagnará i partezipanc dui iadi jö por la Gran Risa. Dedô pón ciamó jí a gosté te na ütia. Prenotaziiuns ti ofizi turistics dl’Alta Badia.
13.02.
Show de lumes sun la »Pilat»
Ai 13.02. dala 21:00 vëniel metù a jì na defileda cun lumes dla Scoles de Schi de Urtijëi ju per la Pilat. Ntëur la 21:15 ruverà i maestri da Palmer, ulache l sarà mujiga cun Simon Deejay y velch de ciaut da bever per chi che cëla pro.
16.02.
Di dla families sun Pana
L Zënter de Pudejé sun Pana nvieia duta la families n du­mënia ai 16 de fauré dala 9:00 inant a purvé ora l sport dl pudejé. Per chësta ucajion puderà la families se mpresté l material y jì a pudejé debant.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
14.02.
Chidlé – grupa »Deberieda«
N vënderdi ai 14 de fauré se ancónten dala 14:00 a Urtijëi dan la Cësa de Paussa per jì a chidlé. «Deberieda« ie na grupa cun ulenteres per se ancunté danter persones che à problems psichics o de sozialisazion.

Teater
07/12.02.
Sajon teatrala de Fiem
Per la sajon teatrala de Fiem, insnet, vender ai 7 de firé te teater de Pardac da les 20:45 vegn metù dant »Sei un mito! Scopri chi sei attraverso i miti greci« n spetacol de e con En­rico Galiana. En mercol ai 12 te teater de Tieser semper da les 20:45 ariaTeatro porta dant l spetacol »Dopo la piog­gia« de e con Aida Talliente e Chiara Benedetti.
08.02.
A teater a Tieser
Sabeda ai 8 de firé da les 20:45 per la rassegna ‘Il piacere del teatro’ te teater de Tieser la filodramatica de Laives porta dant l spetacol »Boeing Bo­eing, L’amore vola... e va...«.
08/27.02.
Rassegna de teater ladin
Tel chèder de la Rassegna de teater ladin del CGF en sabeda ai 8 de firé da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Te tieja del ors« de Stefen del Monech che vegnarà fata ence en jebia grassa ai 27 de firé.

Referac
07.02.
I dlacieres tl tëmp dl sciaudamënt tlimatich
N ucajion dla mostra »cuntre­des do la dlaciazion« tla galaria Vijion a Puntives, uniràl metù a jì na cunferënza cun l espert dl tëmp y di dlacieres Georg Kaser, ncuei vënderdi ai 7 de fauré dala 20:00 tla galaria Vijion a Puntives.
12.02.
»Trufes online – co pói pa me sconé?«
Le KVW da Lungiarü cun le sostëgn dl Consëi de forma­ziun da San Martin inviëia a n referat cun l’avocat Paul Maieron, sot al tema: »Trufes online – co pói pa me sconé y a ci mëssi pa mëte averda? Ci poscibilités ái pa por da­mané n dann?« Le referat vëgn tigní en mercui ai 12 de forá dales 19:30, te salf a Lungiarü.