La Usc di Ladins

Le laur dl Comité de Raiun Val Badia, gremiun olache deplü istituziuns sciöche le Raiun Sozial Val Badia, l’Aziënda Sanitara da Bornech, i Comuns, la Scora, la Ciasa de Palsa, le Sorvisc ai Jogn, le AEB é rapresentades, é sté ince tl 2024 dër intensif. I bojëgns dla jënt é dër desvalis y an á porvé indô danü da realisé iniziatives che podess daidé sensibilisé y porté consëis y informaziuns.
Le laur da vigni de tl Raiun Sozial Val Badia é ince tl 2024 indô aumenté. Le sorvisc de assistënza a ciasa á assistí bëgn 164 berbesc y mëdes, al é gnü fat 9.000 ores de laur y cun le gran aiüt di 24 volontars a chi che al ti vá n gran dilan, él gnü porté 4.149 marënes fora por les ciases. Ince sce al ne é nia saurí da ciafé personal, proa le sorvisc da ti gní adincuntra a düc chi che á debojëgn. I berbesc y les mëdes y suradöt i familiars aprijëa dër düc i sforc fac.
L’Assistënza de basa suradöt tl ciamp di minorenns á ciafé n gran sostëgn olache tl 2024 éson stá bugn da ocupé por chësc sorvisc 4 porsones (döes assistëntes soziales, na psicologa y na assistënta pedagogica). Le laur é chersciü tres deplü y i dac dla statistica le desmostra tlermënter. I caji de porsones/families acompagnades é stades 125, olache ara nen jô de caji de separaziun, de aiüt tl’educaziun, de violënza, de dependënza, de caji olache le jonn ne jô nia plü a scora, de maraties psichiches. Ince tl ciamp di adulc olache ara nen vá de problematiches de dependënza, de struturaziun dl de, de formes desvalies de violënza él sté n aumënt di caji dl 15%. (Antonia Castlunger)

Deplü sön i sorvisc y sön les iniziatives particolares organisades ia por l’ann, podëise lí t’La Usc di Ladins di 7 de forá