La Usc di Ladins

Rua amò n resultat de ezelenza per la joena de 17 egn Flora Tabanelli, studenta del Ski College de Fascia de IV LAD al Liceo artistich a Sèn Jan. A la fin de jené la é jita tel Colorado ensema col fra maor Miro, stat ence el student de la Scola de Fascia, per tor pèrt a la proa de Copa del Mond de freeski de Aspen, che se à dejout chisc dis passé.

Dant de chest apuntament i doi frèdes à podù tor pèrt ence ai X Games, e te chest event de nonzech di sport estremes Flora Tabanelli se à vadagnà na medaa de or straordenèra tel big air. La joena, de naa da Fanano sui Apenins de la provinzia de Modena ma cresciuda sportivamenter te Fascia, a sia pruma partezipazion ai X Games l era la atleta più joena e l é stat la pruma ela talièna a se vadagnèr la medaa de or do 28 edizions.

De più su La Usc stampèda de en vender ai 7 de firé.  (Lucia Gross)