La Usc di Ladins

Danter dui dis, dal 28 al 29 de jená, s’á desfiré iniann tla dlijia da Oies la festa tradizionala dl Sant Ujöp Freinademetz. Particolara éra stada en chësc ann, arjunjon la presënza de bëgn 400 porsones (200 deplü co i atri agn), rovades adalerch por tó pert ala santa mëssa conzelebrada dal vësco Ivo Muser.

Deplü é stades les motivaziuns che á porté adöm n gran numer de fedei cun plü co 30 figöres signifi­ catives dl monn dla dlijia y che sënt n lian plü sterch cun le Sant da Oies. Patri y miscionars dl ordin de Steyl á acompagné le vësco Ivo Muser tl’oraziun dla mëssa dita en onur dl Sant Ujöp da Oies. La figöra dl sant é gnüda onorada y alzada fora por sües operes de bunté y süa devoziun demostrada ti agn da miscionar tla Cina y nia ma. Implü á les usc dl Cor da San Martin abelí la Santa Mëssa cun melodies cernüdes aposta por l’ocajiun.


Liede inant tla ediziun nöia da incö, vëndres ai 7 de forá!