La Usc di Ladins

En mercol ai 29 de jené, dì de Sènt Giosef Freinademetz tant benvolù ence te Fascia, a Poza do la bela messa dedichèda al Sènt a Oies con cianties e orazions per ladin, ofizièda dal piscop emerit de Trent Luigi Bressan, l é stat endrezà n belot moment per la inaudazion e benediscion de la neva sala del Consei de Comun de Sèn Jan.

N picol event metù a jir – à dit l ombolt Giulio Florian – ence per sotrissèr che chesta sala no la é demò de l’aministrazion, ma de duta la comunanza. Chiò defat no se bina demò i Consees de Comun, che ades i pel fèr sia sentèdes te n ambient più sorì e aldò con duc i enjignes tecnologocs, ma ence sozietèdes e sociazions per sia radunanzes e do e do la Jent de età per la lezions de sia Università.

Apede a desvaliva autoritèdes, conseieres de maoranza e de mendranza e mingol de sentadins, l era ence na bela delegazion de l’Aministrazion e di Studafech de Remseck am Neckar, l Comun todesch leà da fradaa con chel fascian, che te chest temp del an rua semper a se goder vèlch di su la neif.

De più su La Usc stampèda de en vender ai 7 de firé.

 (Lucia Gross)