La Usc di Ladins

Te la setemana per l’unità di cristiegn, don Andrea Malfatti l à pissà de ge prejentar ai bec un di aspec, no tant senester da entener, che desferenzia i cristiegn ozidentai catolics da chi orientai ortodosc: la raprejentazion de le fegure sacre. Se te nosce gejie, defat, se troa desvalive sort de simboi religiousc, cadres de stil desferent, crousc e auter, te le gejie di ortodosc l é demò icone. Ma che él na icona?

Te oratorie de Vich l é stat endrezà doi momenc de catechesi col didament de na femena che à inom Raffaella e l'à la pascion per le icone, tant che l'à ence emparà a le realisar.

Pean via apontin da la parola ‘icona’, che la vegn dal grech e la vel dir ‘immagine’, e fajan referiment a la icona che i bec cognosc amancol tant che i gregn desche simbol de app e programes de fonins e aparac digitai, i scolees é stac envié a ‘averjer’ col pensier desvalive de cheste tulete fate e portade te oratorie da la medema Raffaella per descorir simboi e segnificac.

Na icona no l é na opera d’art fata per fornir n parei – l’à dit la autora – e nience n retrat, ma na raprejentazion simbolica e i simboi i cogn ge jir do a indicazions prezise acioche duc posse i entener.

Per saer valch de più de chest mond enteressant de le icone son jita sun Tamion, olache Raffaella Businelli e so om Claudio Signorini, che i vegn da Mantova, i se à enciasà da 15 egn.

De più su La Usc stampèda de en vender ai 7 de firé.  (Lucia Gross)