La Usc di Ladins

En sabeda ai 25 de jené n bel grop de persones che no veit o che veit pech deldut che fèsc pèrt de la UICI, la Union talièna di verces e ipovedenc, les à podù tor pèrt a na bela scomenzadiva metuda a jir da la sezion de Trent de la UICI, con sie president Dario Trentini, per sporjer l’ocajion de passèr na dì en compagnia e en legreza su la neif. L grop l é jit sul jouf de Sèn Pelegrin e da ló tel bel ambient de Fuciada, zachei monté sui mesi da neif del refuge e etres a pe, per se goder ence ogne screvet del contat de la soles di ciuzé su la neif giacèda. Do aer passà fora la pèrt del bosch, duc à podù sentir l braciacol di monc de Costabela, che l é ruà fin tel cher de duc ence se i eies no i podea l veder.

Emozions uniches e neves, che à compagnà i componenc del grop fin ló dal Refuge Fuciade, olache la sensazions de l’aria frescia e neta se à mescedà e pian pian ge à lascià l post a cheles del calor e di perfumes del legn e de magnadiva che engolardesc.


De più su La Usc stampèda de en vender ai 7 de firé.  (LG)