La Usc di Ladins

Aon intervistà Mario Desilvestro e si fies, Simone e Bepo de 25 e 20 egn, che da de otober del an passà i à tout te man l storich refuge Gardecia, do passa 40 egn de gestion de Mario ensema a so fra Marco, da pech jit en penscion. I ne à contà de si ensomesc e de soe prospetive, per na strutura che rua ades a la quarta generazion de endrez da man de la familia Desilvestro de Medil da Muncion.

Voi doi joegn, co éla che aede dezidù de jir inant col refuge de familia?
Simone: Star chiò l é na vocazion de noscia familia. Da canche l é stat nesc besaves, te refuge Gardecia à semper lurà jent de ciasa. L era natural che jissane inant noi. L refuge l é stat fat su del 1902 da Bepo Desilvestro de Medil, do l lo à tout te man mi giaf Doro e mia giava Maria Ruscia, nasciuda sa Valongia. E amò do l é stat la gestion de mi pare e de mi barba Marco. Ades sion gio e mi fra Bepo, che l rita ence l inom de mi besaf, prum fondador.

Podede lejer duta l'intervista su la Usc stampèda de en vender ai 7 de firé.  (Thomas Zulian)