La Usc di Ladins

L é tacà ite en vender ai 31 de jené l 26° Trofeo Ski Alp 4 Valèdes La Sportiva de schi alpinism. La pruma tapa, per endrez de la sozietà sportiva Cauriol, se à dejout sot la neif sun Belamont e l aea valuta per l 28° Ski Alp Cauriol 3° Memorial Elisa Deflorian. L percors da corir con la pouses resservà ai agonisć era de presciapech 6 chilometres con n dislivel de 650 metres. Podea se scriver ite ence i escurscionisć che aea da corir n percors mender de 3 chilometres e 450 metres de dislivel. I atlec, en dut 300, é ponté via da les 8 da sera ló da la partenza del impiant Lujia-Belamont. L apuntament l é ades ai 14 de firé con la tapa a Sèn Martin e l Memorial Zagonel.

De più su La Usc stampèda de en vender ai 7 de firé.  (MCI)