La Usc di Ladins

La garejedes sun Curona chësc ultim fin dl’ena à abù n gran suzes. Davia che l à fat pea atlec y atletes de bën ot naziunaliteies desfrëntes – dala Talia, dai Paejes Tudësc, dala Svizra, dala Ungaria, dala Cina, dala Republica Ceca, dal’Australia y dala Franzia – fòvel nce scialdi na bela ucajion per se ancunté, garejé y s’la ciaculé un cun l auter.

L ie stat n gran unëur che nosc atlet ladin Daniele Bagozza, un di miëur atlec dl mond, à fat pea pra la garejeda de n sada. Maurizio Bormolini, che ie al mumënt prim tla tlassifica generela de Copa dl Mond, ie ruvà adalerch da Livigno per fé pea tramedoi dis a tramedoi garejedes. N dumënia iel monce ruvà adalerch Roland Fischnaller de Funes a mutivé i atlec dan la garejeda y ti dé un o l auter cunsëi per l daunì.

Per l Snowboard Club de Gherdëina, la trainadëura Sindy Schmalzl

L articul ntier tla edizion nueva de La Usc di Ladins de n vënderdi ai 14 de fauré.