La Usc di Ladins

conTakt – Grupa de percuscions
I Jëuni de Mujiga Gherdëina nvieia al cunzert dla Grupa conTakt, n juebia ai 20 de fauré dala 20:00 tla Cësa di Cungresc a Urtijëi
L ensemble conTakt ie nasciù tl 2007 y ie metù adum da cater mu­sizisć/percurscionisć de Südtirol: Manfred Gampenrieder, Philipp Höller, Georg Malfertheiner (de Urtijëi) y Christian Miglioranza. Duc à fat l Conserva­tuere de mujiga a Bulsan y à sunà tla Urchestra di Jëuni EUYO y GMJO y possa per­chël mustré su trueps ani de esper­ienza ti cunzerc.
L cuartet ulëssa pité n spectrum lerch de literatura de percuscions, sibe tlassica che moderna.
Sun l program dla sëira iel l »Per­cussion Quartet« de Danny Elfman, »Tempo separato« de Eduard Demetz, »Noc­turne d’Anais« de Ruud Wiener, »4 by 4« de John Psathas, »Perdiscussion» de Matthias Hopf y »Apollo 11« de Georg Malfertheiner.
I Jëuni de Mujiga se ncunforta sun Vo.


Sport, ativités y devertimënt tratan l’isté
Le Ski Team Alta Badia pîta, en colaboraziun cun les assoziaziuns sportives dl’Alta, ativités tratan l’isté por mitans y mituns de scolina, elementara y mesana. Les iscriziuns vëgn daurides ai 24.02. dales 8:00
Sport+creativity all day
Por i mëndri dla scolina (nasciüs tl 2019) vëgnel pité a La Ila les ativités »Sport + creativity all day«, plü avisa tles edemes dai 14 ai 18.07., dai 28.07. al 01.08., dai 11 ai 15.08. y dai 25 ai 29.08., dagnora dal lönesc al vëndres dales 9:00 ales 15:00. Le cost é de 130,00€ al’edema (marëna lapró). Iscriziuns dai 24.02. inant, anter i 2 de merz al link https://forms.gle/Ao5M77Wakoika5RDA
Multisport
»Multisport all day« é les ativités por mitans y mituns dla elementara, che vëgn metüdes a jí ti paisc di comuns de Badia y Corvara; al vëgn fat trëi grups: »kids 1« por i nasciüs dl 2018; »kids 2« por i nasciüs dl 2016 y 17; »kids 3« por i nasciüs dl 2014 y 15. Le program prevëiga n bloch de 4 edemes, dai 7 de messé fina ai 23 d’agost, tres dal lönesc al vëndres dales 9:00 ales 15:00. Le cost é de 320,00€. Iscriziuns dai 24.02. inant, anter i 2 de merz al link https://forms.gle/EPELdrzpzFCNvTuw8
Edemes de sport
A chi dla mesana, nasciüs dal 2011 al 2013, s’oj l’iniziativa »Sportweek all day«, che prevëiga ativités ti paisc di comuns de Badia y Corvara, sciöche ince jites fora por la provinzia. Al vëgn pité 3 edemes: dai 14 ai 19.07.; dai 29.07. ai 02.08.; dai 11 ai 16.08. – tres dal lönesc ala sabeda dales 9:00 ales 16:00. Le cost é de 130,00€ al’edema (zënza marëna). Iscriziuns dai 24.02. inant, anter i 02.03. al link https://forms.gle/Who3ubmv X1DvmP3Q7
Informaziuns ciafon ala mail info@skiteam altabadia.it, pro Thomas al 339 1433016 o pro Martina al 377 5909449. Infos plü menüdes sön le proiet ciafon sot a ala plata internet www.skiteamaltabadia.it, seziun »news«.


Carlascé Ladin tl MusLa
Laboratori creatifs da carlascé, por i mëndri da 5 a 10 agn: ai 19.02. tl museum a San Martin de Tor, ai 21.02. a San Ciascian
Le Museum Ladin inviëia a n laboratore creatif, olache an impara a conësce le carlascé ladin. An pastelnëia adöm ma­scheres en mercui, ai 19.02. dales 15:00 a les 16:30 tl MusLa Ciastel de Tor a San Martin y en vëndres, ai 21.02. dales 16:00 ales 17:30 tl MusLa Ursus ladinicus a San Ciascian. Trami i laborators é por mituns y mi­tans da 5 a 10 agn. Le cost de partezipaziun é de 5,00€ a ce. Tó pert pó alplü 15 mitans y mituns a laboratore. Al é da se prenoté ala mail prenotaziuns @museumladin.it o al numer 0474 524020.