La Usc di Ladins

Nef suzes per la squadra ‘Gome Neve’ de la Scola Ladina de Fascia, che en vender ai 7 de firé te la senta maraveousa del Museo M9 de Mestre la se à vadagnà l azes per tor pèrt a la fasa nazionèla de la First Lego League 2025, la garejèda  internazionèla de robotica che tol ite passa 300 team da la Tèlia e mile e mile da dut l mondo.

Desche semper, ence chest an doi l era la formazions de students di licees de Fascia scrites ite a la garejèdes, ‘Gome Veie’ e ‘Gome neve’, coordenèdes dal professor Thomas Zulian col didament fondamentèl de n bel numer de ‘coach’ de quarta e quinta.

Duta la setemènes da otober en ca i doi gropes se à troà te aula de robotica del Liceo Artistich e i se à dat ju te la ideazion e realisazion de n robot e de n projet scientifich inovatif, dediché te chesta edizion al studie di ozeans.

De più su La Usc stampèda de en vender ai 14 de firé.  (Thomas Zulian)