La Usc di Ladins

Bondì Florina, co te prejen­tásseto a zachei che no te cugnësc?
Bondì Denni! Mi son la Florina Foppa, da passa 25 agn vive nta Fodom: a pensé polito, è vivëst deplu nta Fodom che n Romania, l paisc ulache son nasciuda e chersciuda. Ades stè con mia fameia a Brenta: è na fia e n fiol.

Percié te scriveto »Foppa«?
Mi son nasciuda »Petrescu«, ma nte nosta cultura l é tradizion che co na ëla se marida la tole l inom de fameia del om; ence se mi e l Franco son maridé n Italia, è volù fè dute le cherte per tò suo inom, spo son Foppa.

Ci ne conteto de tuoi pruns agn de vita?
Son nasciuda nte na zité de la Romania che se clama Ramnicu Valcea, che ncuoi l à zirca cëntmile abitánc, ma che nlouta la n’ava troc demánco. Co s’onva tosata, n Romania l eva la ditatura de Ceausescu… la zité l’ava na mascia de industrie, n par­ticolar del len e del fil… e l eva dut »in­du­strie de stato«, no l eva nniò na fabrica, na boteiga, n velch de privat… dut del stato e duc i operai, i eva dependec del stato: no ejistëva la proprieté privata: chëst l onva eredité dal comunismo e da l’Union Sovietica. (Ntervista de Denni Dorigo)

De plu tla edizion stampeda de La Usc di Ladins o sun l e-paper a paiament www.lausc.it/e-paper