La Usc di Ladins

Do aer lascià ló per n meis, i ladins à tacà a se arcedar per scomenzar co la Copa Provinzia. Enceben che l ciamp sie stat pien de neif, i joegn fascegn no se à destrametù e i à netà l ciamp con pale e piches per jiar e do bater te la pruma partida de Copa l’Alta Valsugana, do le trate dai 11 metres che à vedù l intervent dezisif del portier Simone Rasom de Rajum con doi rigores paré.

La setemana do i fascegn i à jià contra l Perjen e i à perdù per 4 a 2: con chest resultat i é jic fora da la Copa.

En domenia ai 16 de firé l é tacà l giron de retorn del campionat, e te chesta pruma endesfida i bec de mister Cigolla i à jià contra l’Azzurra.


Podede lejer dut l articol e la classifica su La Usc stampèda de en vender ai 21 de firé.  (Pierpaolo Rasom)