Ence chest an sacotanta jent se à binà sun Ciaslir per onorèr con gran solenità la patrona de Fascia. Da les diesc dadoman l é peà via la procescion da Vich per ruèr fin su al santuarie veie e veior de Sènt’Ugèna. La messa la é stata dita su da don Mario Bravin, compagnà dal piovan don Andrea, l diacon Antonio e don Gilberto. Endèna la perdicia »de gran chiareza evangelica e de atualità« coche à dit don Andrea, don Mario à rejonà de la vita de la Sènta-martire anter storia e contia.
De più su La Usc stampèda de en vender ai 21 de firé. (NICO)
Sènt’Ugèna, vèrda via la Val
Ence chest an ai 16 de firé l é stat dit messa sun Ciaslir de Vich e l é stat renovà la devozion di fascegn a la Sènta patrona de duta Fascia.
Galaria retrac
View the embedded image gallery online at:
https://www.lausc.it/valedes-ladines/fascia/28923-sent-ugena-verda-via-la-val#sigProId807c1d8299
https://www.lausc.it/valedes-ladines/fascia/28923-sent-ugena-verda-via-la-val#sigProId807c1d8299
