La Usc di Ladins

Prim pra la garejeda team paralel a Saalbach: Alex Vinatzer à ai 4 de fauré pudù pië do la bedaia d’or per si prestazion.
Per uneré chësc tra­vert sportif ti à l Chemun de Sël­­va, deberieda cun la lies y d’autra istituzions, metù a jì na festa per l atlet jëunn. L ann 1991 ova l ex-atlet de schi alpin, Peter Runggaldier, purtà a cësa na bedaia d’or da Saal­bach. Sun chëla à Alex Vinatzer dit: »Pona muessen pa mé fé deplù gareje­des iló, sce la buta tan (s’la rijan, ndr.)«.

Ai 20 de fauré da mesa la sies da sëira àn fat na defileda dala Cësa de Cultura su per streda nchin sun Plaza de Chemun. L ie unit adalerch l Schi Club Gherdëina, i Destudafuech dl luech, maestri:es de schi, la Mujiga de Sëlva, autoriteies d’uni sort y sambën l festejà cun si familia y tifosi.

Daldò àn mo giapà n crafon y zeche da bever. N à pudù festejé tl luech de Alex chësc bel mumënt deberieda cun ël. Bravo, Alex!

Julia Lardschneider

Dut l articul tla edizion nueva de ncuei, vënderdi ai 28 de fauré, de La Usc di Ladins.