L é ra ultima setemanes, i ultime dis, de el mercà inze ‘l piazal de ra stazion, in Anpezo. El mes de maśo i tacarà a jaà, a lourà, da fei dute chi laore, de el projeto de finanza, con ciaśamente noe, con chi vece da fei fora, con trope poste da bete i automobiles sote tera, un hotel, el comisariato de Polizia e outro pede. El Comun de Anpezo ‘l à chera de tramudà el mercà cuatro chilometre fora da ‘l paes, de el bete a Pian da Lago, intrà i capanoi de ra boteghes de i artejane. Trope i no n’é d’acordo con chesto e se ciata i scrite su par i social, a scomenzà da Facebook, con zentenera de parsones, de el paes e da fora, che ‘es vorarae tegnì el mercà pi pede, da no ‘l scaturlà indalonśe. I à anche betù un bancheto, propio a ‘l mercà, da strutà su firmes, e anche sode, da pagà i avocate par fei un outro ricorso al Tar Veneto, contra el projeto de ra stazion. (MDM)
De plu tla edizion stampeda de La Usc di Ladins o sun l e-paper a paiament www.lausc.it/e-paper
Tramudà el mercà
I banche i và dal piazal de ra stazion a Pian da Lago. El Comun de Anpezo no vó in saé de i bete par piaza e no n’é outre luoghe boi. Un doman i podarae tornà inze ra piaza de ra Postes
Galaria retrac
View the embedded image gallery online at:
https://www.lausc.it/valedes-ladines/anpezo/26890-tramuda-el-merca#sigProIdfd76ed1361
https://www.lausc.it/valedes-ladines/anpezo/26890-tramuda-el-merca#sigProIdfd76ed1361