La Usc di Ladins

Aladô de deplü carateristiches che vëgn valutades da na iuria, vëgn i ciavai y les ciavales portá ite te categories y te pröma categoria röia ma i plü bi y les plü beles. Te pröma categoria é ince rovada iniann »Chanel«, ciavala de raza Haflinger de Thomas Alfreider da Calfosch, che ê bele gnüda l’ann passé de ma, en ocajiun dla iscriziun tl liber genealogich, campionëssa provinziala de resserva, se plazan al secundo post. »Chanel« é na ciavala che á na gran valüta; de otober ara tut pert ales proes de capazité, tanco da raité y da jí cun la gücia, les stlujon jö cun bëgn 8.0 punc y se plazan al pröm post. Ince n’atra ciavala ladina á tut pert a chëstes proes mo da d’aisciöda, ara se trata de »Cortina« de Simon Dapoz, che ê rovada al terzo post. "Cortina " ê ince gnüda terza pro la iscriziun tl liber genealogich. 

Ince n taur te pröma categoria

Nia ma cun les ciavales, mo ince cun i taurs pó Thomas Alfreider avëi na gran ligrëza. Iniann de forá, en ocajiun dla incuntada y presentaziun di taurs nasciüs dl 2020 (Haflinger­Hengstkörung, ndr), é un de sü ciaval gnü porté ite te pröma categoria, l’ater ciaval é rové te secunda. Sëgn d’aisciöda saral spo indô na manifestaziun tradizionala importanta por chi dai ciavai: l’iscriziun tl liber genealogich che sará sciöche dagnora a Neumarkt, dai 21 ai 23 de aurí. 















 (kp)