La Usc di Ladins

Carmen y Marion Insam, Jenni Perathoner, De Cater, Nadia y Natalie Moroder y Erika Mussner cun Judith Piccolruaz: chëstes fova la ciantarines y sunadëures che à fat n cunzert ai 8 de merz tl Tublà da Nives n ucajion dl di dl'ëila. Daujin al muderazion de Martina Rier, à
la scritëura Nadia Rungger danterite purtà dant vel' poejia, mpue coche intermezzo leterer, sambën for al feminin.
La sala dl Tublà fova ilumineda de rosa y i stuei che n à metù ora ne fova nia assé. La dumanda per scuté su chësc cunzert fova granda, ntëurvia fòvel monce scutadëures mpe. La cianties fova d'uni sort y te rujenedes desfrëntes. Ma cie che ie unit ora dassënn fova la forza dla mujiga y la dla ujes de chësta ëiles, che ne à nia mé dat inant si pascion y sentimënt, ma propi nce l messaje dl gran valor dl'ëiles.

Julia Lardschneider

Dut l articul de chësta manifestazion pudëis liejer tla edizion nueva de n vënderdi ai 16 de merz.