La Usc di Ladins

La prima ie stata n sada ai 8 de merz, la Horn Attacke, che ie na garejeda de sauté y peves.

N ie piei via a Bulsan y sautei nchin a Pemmern. De ndut fòvel da fé 13,4 chilometri y n deslivel de 1320 metri. Da Pemmern messòven pona se mudé y se tré sëura i schi dala peves per jì inant nchin sun l Rittner Horn. Tlo fòvel da fé mo n iede 6,5 chilometri y n deslivel de 730 metri. La garejeda di ëi à venciù Andreas Reiterer te 2:05:10 y pra l’ëiles Annelise Felderer te 2:30:42.

N ova nce la puscibltà de fé pea te na stafëta, chël uel dì doi ëiles, doi ëi o mescedà. Tlo à fat pea Romina Plancker de Gherdëina, deberieda cun si cumpania Kristel Mottin. Romina Plancker ie sauteda la trassa te 1:33 menuc y si cumpania a fat l tòch cun la peves. Les à finà via la garejeda cun n tëmp de 2:37:00 arjunjan l segondo plazamënt. Tla stafëta mescededa, ëi y ëiles, à fat pea Michaela Schrott cun si cumpani Walter Ambach cun la peves, ëi ie ruvei 10ejims te si categuria cun n tëmp finel de 2:55:52.

La segonda garejeda ie stata na garejeda de sauté da mont su y plu avisa a Gavirate tla Lombardia, l Campo dei Fiori Trail.

Per i Gherdëina Runners, Manuela Perathoner

L articul ntier tla edizion nueva de La Usc di Ladins de n vënderdi ai 14 de merz.