La Usc di Ladins

Le zënter sozial "La Spona" ti pîta a porsones cun andicap n post de laur te n ambiënt sconé, olache ai pó svilupé sües capazités y süa autonomia. N assistí cunta de so de a La Spona.
"I vëgni da doman cun le bus y mëti atira man da lauré. Mi laurs é scialdi pastelné, dessigné y depënje. Sëgn imparunse ince n musical. A me me sál dër bel da sté en compagnia, i sun contënt ch’i pó gní a La Spona a lauré y canche al vëgn zacai a se ciafé. Al me sá ince bel da odëi la jënt che vëgn te botëga a cumpré nüsc produc y nes dá la crëta. Datrai fajunse ince ativités fora de strotöra, p. ej. na gara dla liösa, festa dl sport, datrai gnunse inviá da ostis a marëna y jun a manifestaziuns desvalies."