LA USConTOUR

media/k2/galleries/8398/thumbs/usaltabadia0.jpg
09 de otober 2018

I 40 agn dla Uniun Sport Alta Badia

En domënia ai 7 d’otober á la Uniun Sport Alta Badia fat festa por sü 40 agn de vita, mo ince por la benedisciun y inaudaziun dl ciamp sintetich nü a La Ila. Impresciuns fotografiches.
La festa de iubileum dla US Alta Badia é stada na ocajiun por rengrazié, festejé y onoré.

Deplü ciafëise t’La Usc di 12 d’otober.
media/k2/galleries/8180/thumbs/Schermata_2018-09-12_alle_10.24.22.jpg
15 de setember 2018

Gran Festa da d’Istà: i retrac

Gropes e jent da duta la valèdes ladines à tout pèrt al bel event de musega, folclor e tradizion che viventea vigni an la domenia de fin de sajon a Cianacei
A Cianacei ence chest an con gran suzess, l’é stat metù a jir la Gran Festa da d’Istà. Maraveous l’é veder l grumon de jent che se dèsc jù per meter a jir chest gran event: n centené de volontadives che laora ensema desche picola celules de n corp uman. Ogneun fèsc e ogneun deida, dut per meter en esser un di più emportanc apuntamenc de l’istà fascian.


De più su la Usc nr 36 stampèda ai 14 de setember
media/k2/galleries/8067/thumbs/sanberto0.jpg
30 de agost 2018

San Berto cun onoranza

Ai 24 d’agost él gnü festejé sö La Crusc la festa de San Berto. Iniann á tut pert ince le Vësco Ivo Muser, y le mone Erwin Irsara é gnü onoré por 60 agn de sorvisc. Valgünes impresciuns fotografiches.
Les fotografies é gnüdes metüdes a desposiziun da Freddy Planinschek. Dilan!

T’La Usc di Ladins di 31 d’agost ciafëise deplü sön San Berto y la festa sö La Crusc.
media/k2/galleries/7989/thumbs/defilada.jpg
21 de agost 2018

Le guant tl tëmp: n feragost aladô dla moda

Sciöche al é usanza por la festa tradizionala de "Ferragosto" él ince en chësc ann indô gnü metü da jí a La Ila la festa y la gran defilada tematica, che á cherdé adalerch n gröm de jënt tratan döt le de y á albü n bel suzes
La defilada fora por paisc é oramai n evënt carateristich por le de de feragost: pici y gragn s’la conforta da fá para o ciaré pro y sides jënt dl post co ghesć aprijëia vigni ann la defilada a tema; insciö éra ince stada en chësc ann. Le tema dla defilada "La moda tla Ladinia" á pormetü da rapresenté fora por paisc agn y agn de storia ladina y nia ma; l’evoluziun y la produziun dl guant ti agn, mo nia ma, é stades zentrales por la defilada, y al é gnü porté dant les tendënzes y particolarités ...
media/k2/galleries/7982/thumbs/musical0.jpg
18 de agost 2018

Musical ”Cater da coraje”

Impresciuns fotografiches dala premiera dl musical te cater lingac, cun mitans y mituns dla Val Badia.
En vëndres ai 17 d’agost él gnü a s’l dé te salf dles manifestaziuns d’Al Plan la premiera de ”Cater da coraje”, n musical te cater lingac (ladin, talian, todësch y inglesc) y n proiet dl Sorvisc ai Jogn Val Badia. Le musical é gnü scrit da Barbara Rottensteiner Comploi, do la storia di fredesc Grimm ”Die Bremer Stadtmusikanten”. Sön paladina 25 mitans y mituns dla Val Badia, da chi che les coordinadësses dl proiet é stades bunes da trá fora de gran cualités y capazités, sides tl cianté che tl ...
media/k2/galleries/7973/thumbs/20180815_1035301.jpg
15 de agost 2018

Santa Maria Maiou 2018: impressiogn de la festa a La Plié da Fodom

Premiei sto an da banda del Comun e de la Union dei Ladins da Fodom meda Pierina de Jan e Ivan Lezuo, duc doi per l grant laor che i à fat e che i fas ncora ades per tegnì n pe la cultura fodoma e l lingaz ladin. Chilò calche foto de la doman passada a Fodom. (De pi su la edizion de vender 24 de agosto)
media/k2/galleries/7891/thumbs/colbechei0.jpg
06 de agost 2018

Comemoraziun sön Col Bechëi

Fotos: i Scizeri d’La Pli á orü comemoré i 100 agn dala fin dla Pröma Vera dl Monn, cun na mëssa sön Col Bechëi te Fanes, olache al é gnü fat sö danü na postaziun de canun.
Nia ma sön Col de Lana n’án recordé la domënia ai 5 d’agost i 100 agn dala fin dla Pröma Vera dl Monn. Ince sön Col Bechëi án orü rové adöm por recordé, mo ince por perié che la vera ne vëgnes mai plü. La festa é gnüda inviada ia dai Scizeri d’La Pli, che á lascé fá sö danü sot la piza de Col Bechëi na postaziun de canun, dlungia chëra originala che é oramai en malester. I ves pitun chiló valgünes impresciuns fotografiches dl de.

Deplü sön la festa, la postaziun y i discursc podëise ciafé t’La ...
media/k2/galleries/7890/thumbs/20180805_114513.jpg
05 de agost 2018

Note e oraziogn per la pas sun Col de Lana

Impressiogn de la giornada de comemorazion passada sun Col de Lana per i 100 agn da la fin de la guera. Momento zentral de la doman la messa dita su dal capelan militar don Lorenzo Cottali e centada e sonada da la Banda da Fodom e dai cori de dut l Decanat. (De pi su la Usc de vender 10 de agosto)
media/k2/galleries/7842/thumbs/Musega_Jent_PAT.jpg
30 de messel 2018

Fresu con la Musega de Poza: sons straordenères

I sonadores fascegn vidé dal maester Giancarlo Dorich “Cavei” à sona sun Vael ai “Sons de la Dolomites” con l trombetist de nonzech internazionèl.
L temp à didà en domenia ai 29 de messèl a realisèr l’ensomech de la Musega de Poza.
Te n conzert dassen straordenèr sun Vael i sonadores vidé dal maester Giancarlo Dorich “Cavei” à leà amò n’outa sie inom e la notes de si strumenc ai spic de la più bela crepes de la Dolomites: dò aer sonà del 2003 su la torns del Vaiolet e del 2015 te Jonta, tinsom la Val de Sèn Nicolò, con l’autra Museghes de Fascia, chest’outa i sonadores de chest feruscol grop se à endò ciarià i strumenc te prossach per jir ...
media/k2/galleries/7837/thumbs/opereta0.jpg
28 de messel 2018

Opereta Ladina ”La zingaindra”

Valgünes impresciuns fotografiches dla premiera.
Le vëndres ai 27 de messé êl a La Pli le gran de por la premiera dla opereta ladina ”La zingaindra” cun libreto y tesć dl autur da La Pli Iaco Rigo, musiga de Ludwig Rindler y regia de Tone Palfrader. Döt ê arjigné sön plaza de paisc, por la rapresentaziun alaleria: la paladina sön paiun y les tribunes feter implides de jënt. Baldi á le tëmp metü i bastuns danter les rodes, cun plöia y n temporal rodunt denanche an metess man. Porchël s’án sposté tla Ciasa dles Uniuns, olache al ê gnü arjigné ...
media/k2/galleries/7758/thumbs/20180714_10000.jpg
16 de messel 2018

Al "Di dla Unité Ladina"

Les plü beles impresciuns dal "Di dla Unité Ladina", vegnú festejé en gaujion dl di storich per i ladins, l 14 de messel
De plu tla edizion de La Usc da en vendres che vegn ai 20 de messel
media/k2/galleries/7676/thumbs/maratona0.jpg
04 de messel 2018

Impresciuns dla Maratona dles Dolomites

N valgünes fotografies dla Maratona nr. 32, sot al titul Ecuiliber, metüdes a desposiziun da Freddy Planinschek.
Deplü ciafëise t’La Usc di Ladins di 6 de messé.
media/k2/galleries/7668/thumbs/iluminaziunlapli0.jpg
03 de messel 2018

L’iluminaziun por i 50 agn de siur Heinrich Perathoner

En gaujiun di 50 agn da prou de siur Heinrich Perathoner, él gnü fat iluminaziun a Al Plan y La Pli. Chiló valgünes impresciuns coiüdes da Günther Erlacher, Brigitte Pezzei y Pablo Palfrader
Canche al é te n paisc na mëssa noela, o che n ploan festejëia n iubileum particolar, él tradiziun te nüsc paisc da fá iluminaziun. La jënt infornësc i sorasc cun lomins, les finestres slomina cun simboi religiusc o scrites al prou festejé, sö por coi y crëps slomina figöres y simboi de füch. Tl fin dl’edema passé á les ploanies d’Al Plan y La Pli festejé i 50 agn da prou de so ploan siur Heinrich Perathoner. A Al Plan él gnü fat iluminaziun la sabeda sëra, a La Pli á n gröm de jënt iluminé les ...
media/k2/galleries/7626/thumbs/Schermata_2018-06-24_alle_17.22.25.jpg
24 de jugn 2018

Sèn Jan de Jugn à leà la comunanzes.

I retrac de la sègra: la defilèda de la Museghes de Poza e Vich, la procescon con la statua del Sènt, la Messa grana olache l'é stat recordà ence i 10 egn de ordenazoon de don Andrea e la festa zivila, con l'ombolt de Sèn Jan che à leà ensema la vetes de Vich e Poza sot la notes de l'Inn Ladin sonà da la doi Museghes de Vich e Poza adum.
De solit te la inaudazions sion usé a veder l tai de la veta. Chest’outa enveze, en ocajion de la Sègra de Sèn Jan de Jugn, festa de la Pieif de Fascia, apede a la festa religiousa, che à recordà ence i 10 egn da preve de don Andrea Malfatti, don Alessio Pellegrin e don Roberto Ghetta, la festa zivila à volù leèr, enveze che taèr.

Te piaz dedant a la Pieif, l veior Piaz de Pien Comun, dedant a autoritèdes da duta la Val e a n muie de jent, l prum ombolt de Sèn Jan, Giulio Florian, à ciolà ensema ...
media/k2/galleries/7527/thumbs/20180608_133607.jpg
12 de jugn 2018

Les plü beles impresciuns de Jeunn

Te püc dis, en vëndres, gnaral fora la ediziun de La Usc di Ladins de Jeunn. Iló ciafarëise deplü articui de cronica y ince la pordica dl Vësco Ivo Muser tla Dlijia dla Crusc de Jeunn. Intratan ves mostrunse les plü beles fotografies, fates dal fotograf Freddy Planinschek y dal redadú dla Usc Iaco Rigo
Na buna vijiun fora por le pelegrinaje y sü detais!

media/k2/galleries/7524/thumbs/conzert0.jpg
11 de jugn 2018

Scora de Musiga Val Badia: conzert de conclujiun

N valgünes impresciuns fotografiches dl conzert, sté en mercui ai 6 de jügn tl salf dles manifestaziuns da Corvara.
Deplü ciafëise t’La Usc di 15 de jügn
media/k2/galleries/7495/thumbs/jeun_dlijia.jpg
07 de jugn 2018

Jeunn: la gran prozesciun é piada ia

Les prömes impresciuns fotografiches dla prozesciun, da valgügn paisc dla valada.
Incö ai 7 de jügn él le gran de: dales 12 ploanies dla Val Badia pëia ia la gran prozesciun, olache incër mile omi y jogn se mët sön tru por arjunje le santuar de Jeunn sura Tlüses. I plü bunoris é chi da Calfosch, che é bele piá ia dales 5:30 da doman. Daimproía é spo piá ia chi da Corvara dales 5:45, chi da San Ciascian dales 5:50, chi da La Val dales 6:30, chi da La Ila dales 7:15, chi de Badia, da La Pli y d’Al Plan ales 7:30, chi da San Martin dales 8:30, chi da Rina dales 9:00 y inultima ...
media/k2/galleries/7456/thumbs/olimpiades0.jpg
31 de mei 2018

Olimpiades dles Families a Al Plan

N de de devertimënt, aorela cörta y comunité, por stlü jö les Edemes dla Familia te Mareo. Les fotos
Dötes les fotos é de Paul Pisching

Deplü ciafëise t’La Usc di 6 de jügn
media/k2/galleries/7329/thumbs/20180511_2002431.jpg
17 de mei 2018

A la aduneda dla Generela

Imprescions fotografiches da la reunion generala dla Union Generela di Ladins dla Dolomites. Urtijëi, ai 11 de mei 2018
media/k2/galleries/7277/thumbs/28_Stont_Schutzen_RGB.jpg
06 de mei 2018

Nef luster al veie Stont de la Val de Sora

I retrac de la gran festa endrezèda tel dì de la Sègra di Sènc Felip e Giacum a Ciampedel, per l’inaudazion dò l restaure del veie frabicat storich, doventà sezion del Museo Ladin.
A Ciampedel chest an tel dì de la Sègra di Sènc Felip e Giacum l’é stat na gran festa, no demò religiousa e de la comunanza de paìsc, ma ence zivila, militara e culturala per duta Fascia, con la partezipazion, sot n bel soreie ciaut, de n muie de Gropes, autoritèdes e jent da duta la val e da foravìa.  

L Comun, adum con i Scizeres de Fascia e de etres raions e con l’Istitut Ladin, à endrezà l’inaudazion del Stont, l veie “I.R. Casino di Bersaglio”, soul ejempie de chisc veies frabicac ...