La Usc di Ladins

Temp Lede
Atualmenter
Ciacia al ef
Enscin ai 7 de oril fora per l paisc de Vich e sia frazions se pel veder i festii fornii su coi segnes da Pèsca e se pel tor pèrt a la ciacia al ef. Sun duc i 12 festii l é n ef da color, bèsta l troèr e l segnèr su la mapa che se ciapa ti ofizies turistics. Chi che troa duc i eves ciapa n douc desche premie.
Atualmënter
La Ila: cun i schi inceda sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
Atualmënter
N’ena de mujiga »Rock the Dolomites«
Nchin ai 23 de merz suneràl uni di te n’autra utia da mont su o lajù tl luech de Sëlva, d’uni sort de grupes de mujiga: ncuei ai 22 de merz dala 16:30 sunerà la grupa Blackout tl Bar Après Ski La Stua te Sëlva y n duman sada ai 23 de merz dala 16:30 inant sunerà i The Jam’son do la Gardenissima, sun la plaza dai auti de Col Raiser a S. Cristina.
Atualmënter
I jun a üs
Cina ai 7 d’aurí pón se fá a Corvara y Calfosch na spazi­rada fora por paisc, liada ala Pasca. Do le percurs él metü sö sciablones de üs da Pasca, olache an pó descurí les tradi­ziuns da Pasca. An pó pié ia dal ofize turistich de Corvara o Calfosch, olache an ciafa na picia cherta cun le percurs.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
22.-29.03.
Marcià da Pasca sun Pitla Plaza S. Antone
Da ncuei vënderdi 22.03. nchin n vënderdi 29.03. vëniel metù a jì sun Pitla Plaza S. Antone n pitl marcià da Pasca cun prudoc tipics dl raion, lëures de artejanat y ciofs y decurazions da d’ansciuda. Daviert iel uni di dala 15.00 nchin la 19.00.
23.03.
Gardenissima, 26ejim edizion
N sada ai 23.03. dala 07:30 inant, da Secëda ju nchin japé dla furnadoia de Col Raiser, ulache l sarà nce la premiazion domesdì. Daldò saràl ntrate­nimënt cun DJ Robin (cune­sciù per »Layla«) y ntëur la 16:30 sunerà The Jam’son sun la Plaza dai auti dla Col Raiser.
23.03.
Destroy the Winter sun Ciampac
Doman, sabeda ai 23 de mèrz, con scomenz da les 10:00 sun Ciampac vegn endrezà na festa de fin sajon con la muse­ga del dj Matty Valentino, jeghes e animazion col grop INOUT.
24.03.
Gardenissima Kids
N dumënia ai 24.03. dala 08:30 saràl sun Secëda la garejeda per mutons y mutans.
25. y 27.03.
Nos Ladins cun Egon y Hubert
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 25 de merz pón imparé da jí cun i schi da paslunch, cun Egon a San Ciascian; ai 27 de merz fejon na picia spazirada cun le verdaciacia Hubert a La Val, por descurí i tiers salvari. Infos y prenotaziuns sön www.altabadia.org o ti ofizi turistics dl’Alta Badia.
28.03.
Cun la gücia do le Tru di Artisć
En jöbia ai 28 de merz á düc la poscibilité da fá da sëra na roda cun les güces o les liöses do le Tru di Artisć, iluminé por l’ocajiun. An pëia ia dales 20:45 da Altin/La Ila demez, por jí cina a San Ciascian. Infos y prenotaziuns sön www.altabadia.org o ti ofizi turistics dl’Alta Badia.
31.03.
San Ciascian: sté adöm en Pasca
Les uniuns da San Ciascian inviëia düc a sté adöm en Pasca, plü avisa dales 10:00 inant. Sön plaza de paisc gnarál partí fora café, duciaries y an podará ince cufé.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n dida­ment i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmënter
Pavël: iscrizions
L proiet per l instà Pavël, per mutons y mutans dl 2013– 2020, vën metù a ji dal VKE deberieda ai Chemuns; a Urtijëi dai 01.07. nchin ai 16.08., a S. Cristina y te Sëlva dai 08.07. nchin ai 23.08., for dala 07:30–14:30 y un n di nchin la 15:30. La iscri­zions possa unì fates tres l portal VKE, for dala dala 07:00 inant: S. Cristina ai 25 y 26.03.; Sëlva ai 21 y 22.03.
Atualmënter
Iscriziuns ala scora de musiga – online
Les scores de musiga dla provinzia deura les iscriziuns por le proscim ann de scora, dal 1.03. cina al 31.03.2024. Les iscriziuns vëgn fates online tres le sorvisc dl’amini­straziun provinziala »my­Civis« https://civis.bz.it/einschreib ung-musikschule L’azes al sorvisc vá tres SPID, CIE (cherta d’identité ele­tronica) o cun la cherta di sorvisc ati­vada. Informa­ziuns plü me­nüdes sön www.musik schule.it
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sot­canai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Patern­steig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Stimolazion neurala a Sèn Jan
La sociazion ‘Manos Sin Fron­teras’ endreza na scon­trèda de formazion de prum livel su la stimolazion neuro­nala a Sèn Jan. L apuntament l é en jebia ai 11 de oril da les 20:30 lo dal Hotel Mon­tana, strada Dolomites 27. Per info e iscrizions chiamèr Luisa al 347 7492993 o Alessandra al 333 9878280.
23-24.03
La colomba de pèsc de Emergency
Emergency met a jir la sco­menzadiva da Pèsca per didèr la ativitèdes de la sociazion che da 30 egn porta inant l empegn contra la vera e per na sanità de calità e na vali­van­za de deric per duc. L Grop de Fiem e Fascia sarà te Piaza a Pardac a vener la colombes en sabeda ai 23 da les 16:00 a les 19:00 e en domenia ai 24 da les 10:00 a les 12:00.
23-24.03
Giornèdes FAI d’Aisciuda
L Grop FAI de Fiem e Fascia per la giornèdes FAI d’Aisciu­da met dant chest an l paisc de Tieser. Se l é bon temp en sabeda ai 23 da les 9:30 escurscion vidèda da Piaz Cesare Battisti fin a Stava, e da les 14:30 vijita al Osser­va­torie astronomich. En do­menia ai 24 semper da les 9:30 da piaz Battisti vijita del paisc, e si lesc de storia e èrt.
10.05
Repair Café: purté roba da cuncé mpede la smaché
L proscimo Repair Café unirà a sl dé ai 10.05. tla sala de chemun te Santa Cristina. A Urtijëi sarons ai 19.07. tla cësa de cultura. Metede da na pert vosta robes da cuncé y passede a ve tò n got y scuvrì chësta iniziativa.

Prejentazions
22.03.
Prejentazion dl liber »100 anni e 1 di giocattoli della Val Gardena«
La prejentazion ie ncuei, 22 de merz dala 20:00 tla biblio­teca de San Durich a Urtijëi. Tobia Moroder, Werner Stuflesser y Annemarie Augschöll rujnerà cun Monica Ferrari y Michaela Sotriffer.

Dotours
Dutor Gherdëina
L dutor de servisc da n sada ai 23.03. dala 08:00 daduman nchin la 08:00 daduman de n lunesc ai 25.03. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Ti comuns da La Val, Badia y Corvara él en sorvisc tla fin dl’edema di 23 y 24 de merz le dotur Alberto Caretta, tel. 0471 839706 o 380 3161999. Ti comuns de Mareo y San Martin él en sorvisc la sabeda ai 23 de merz la doturia Stefania Febbraro, tel. 377 3288595; la domënia ai 24 de merz él en sorvisc la doturia Lodovica Mattioni, tel. 328 8590842.

Apoteches
Apoteca Gherdëina
L’apoteca de servisc ora dl orar urdiner, da n vënderdi ai 22.03. nchin n vënderdi ai 29.03. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sa 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 22 de merz dales 19:00 al vëndres ai 29 de merz ales 19:00, é chëra d’Al Plan, tel. 0474 501240.

Mostres y Ert
Atualmënter
La persona (Im)perfeta
La mostra culetiva tla galaria Vijion a Puntives resta davierta nchin ai 8 d’auril, dal lunesc ala sada danter la cater y la set domesdì, o cherdan su l nr. 3382098697. L fej pea 10 artisć:tes: Julia Runggaldier, Marlies Baum­gartner, Max Brenner, Paola Grott, Stefan Pera­thoner, Klaus Rungger, Valeria Stuflesser, Leo Ferdi­nando Demetz, Josef Kostner y Marko Kostner La mostra.
Atualmënter
Culëures viandanc – Mili Schmalzl
L Circolo–Lia Mostra d’Ert nvieia ala mostra dal titul »Culëures viandanc« de Mili Schmalzl, tla sala dla Lia Mostra d’Ert a Urtijëi. La mostra resterà davierta nchin ai 31 de merz, dala juebia nchin la dumënia dala 16:00–19:00, de sada y dumënia nce danmesdi dala 10:00–12:00.
Atualmënter
Mostra »L troi« (Der Weg) de Helmuth Prinoth
La mostra dl artista de Urtijëi Helmuth Prinoth dal titul »Der Weg« - n ucajion dla espo­sizions »Kunst im Gang[e]«, sarà da udëi nchin ai 17 de mei, for dal lunesc nchin al vënderdi dala 08:00 - 12:00 y de juebia nce domesdi, 16:00 - 18:30.

Sport
22.03.
Sellaronda Skimarathon
Anché, vener ai 22 de mèrz, da Cianacei ponta via da les 18:00 i atlec che tol pèrt a la 30^ edizion de la Sellaronda Skimarathon, la garejèda de schialpinism de net a cobies che passa fora duc i jouves de la Ladinia. La garejèda é da poder veder ence en direta streaming sul sit ofizial www.sellaronda.it.
22.03.
Sellaronda Skimarathon
Ncuei vënderdi ai 22 de merz uniràl a s’l dé l Sellaronda Skimarathon, che pëia via da Cianacëi. Chi che fej pea passerà tres la valedes ladines y sambën nce te Gherdëina, plu avisa pra l raion dl Hotel Krone te Sëlva (19:00–21:00). Na bela ucajion per passé a cialé.
22.03.
Sellaronda Skimarathon
Incö vëndres ai 22 de merz él la gara de schialpinism »Sellaronda Skimarathon«. I atlec pëia ia dales 18:00 da Cianacëi te Fascia. Ai passará a Corvara, dlungia la staziun dl implant Boé incër les 19:20 – 19:30 y jará inant cina sön Planac. Informaziuns sön www.sellaronda.it

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.03.
Viles y mesc tla Ladinia
Dales 20:50 ca. Aldedaincö se án forsc n pü’ desmentié che i mesc y les viles testemo­niëia la relaziun che la porsona á albü cun les munts por milesc de agn, y che resta ince alde­daincö ciamó importanta por le mantignimënt de nostes con­trades y, nia inultima, por podëi ti pité al ghest che vëgn chiló da nos avisa ci che fej nüsc raiuns tan particolars. Ara nen vá da mantigní süa anima, por che an pois man­tigní vis le savëi, la storia, i recorc dles generaziuns che á podü ciafé chiló assosta, proteziun, sostentamënt ti zicli zënza fin de vita y mort. Chësta é nosta richëza. Program de Karin Pizzinini, a cura de Anna Mazzel.
27.03.
Cult rituai da inier y incö: Le ritual dla Jöbia Santa
Dales 20:50 ca. Program de Daria Valentin y Hanspeter Karbon, a cura de Alessandro Dapunt.
28.03.
Euro trasmisciun d’economia
Dales 20:20 ca. A cura de Diego Clara y Hartmann Mair­hofer, a cura de Leo Senoner.

Radio
LADINIA LIVE: microfons daverc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
23.03.
Momënc de vita – intervista a Maria Frida Pallabazzer
Dales 19:05. Maria Frida Pallabazzer é nasciüda tl 1946 a Col de Santa Lizia. Ara nes cunta dantadöt de so laur tla Ponsiun Aurora a Pian, na fraziun de Col de Santa Lizia, dla picera capela sön strada de Pian y de sües tradiziuns. Maria Frida nes cunta ince de so nene, che â da jonn lauré 5 agn ala­lungia tl’Austra­lia sciöche tistler. N program de Erika Castunger.
24.03.
La storia di judieres
Dales 19:05. La storica Elfriede Perathoner conta dla storia di judieres do la Segonda Viera Mundiela. La mperme­tuda de n stat dut sie, deventà realtà tl ann 1948, possa nce unì cunscidrà coche l scumen­ciamënt dl cunflit danter Israel y Palestina. (terza pert). Tras­miscion de Ivan Senoner.
25.03.
N post che ti dá fle ala curiosité dla porsona
Dales 19:05. La biblioteca de paisc é na oasa che deura poscibilités de incuntada, de chît y de liams danter le passé, le presënt y le dagní. Te chësc program ti dunse lerch ala biblioteca de Sëlva, che nes cunta de süa storia, de sües ativités y ince dla gran desfida che le monn digital porta pormez ales biblioteches. N program de Sara Frenner.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Referac
28.03. y 03.04.
Referac »Ester mama – alc y basc«
Le grup KFS da San Martin y le Consëi de Formaziun da San Martin mët a jí dui referac cun la psicologa, pedagoga y psicoterapeuta Margarethe Mayr, sot al titul »Ester mama – alc y basc«. I referac é debann y por todësch. En jöbia ai 28 de merz dales 14:30 ales 17:00 nen vára di mituns da 0 a 3 agn; en mercui ai 3 d’aurí dales 14:30 ales 17:00 nen vára di mituns da 3 a 6 agn. An s’incunta tl salf dl Istitut Ladin a San Martin.

Cursc
Atualmënter
Iscrizions: Curs per purvé a depënjer chiena
La lia La Vëta mët a jì n curs per purvé a depënjer chiena ntan i doi prims fins dl’ena de auril: ai 05.04. da sëira (2 ëura), ai 06.04. dut l di (7-8 ëura), ai 07.04. danmesdi (4 ëura) y l’ena do ai 12.04. da sëira (2 ëura), ai 13.04. dut l di (7-8 ëura), ai 14.04. dan­mesdi (4 ëura). L possa fé pea duc dai 17 ani insù, l priesc ie de 120,00€. La iscrizions vën tëutes su nchin ai 02.04. scrijan a lialaveta@gmail.com. Per plu nfurma­zions: 3391658705.
02.04.–03.05.
Café dla rujenedes
Tla bibliotech S. Durich a Urtijëi vëniel tenì ntan l mëns de auril: de merdi l café dla rujenedes per franzëus cun Louise, de mierculdi per nglëisc cun Nick, de juebia per spanuel cun Chiara y de vënderdi per ladin cun Karin. L’ancuntedes scumëncia for dala 9:30. N possa unì zënza se nuté su danora.
06 – 27.04.
Curs de formaziun dla usc
Le Sorvisc ai Jogn Val Badia mët a jí n curs de formaziun dla usc cun Ines Tavella, tl zënter Saj.un a La Ila. Al vëgn tigní les sabedes ai 6, 13 y 27 de aurí. Infomaziuns y iscri­ziuns pro samuel@jogn.org o al numer 371 5688564. Le cost é de 20,00€ a ce. Aladô de tanc che se scrí ite, podess le curs gní partí ite te dui grups, un dales 9:00 ales 10:00, l’ater dales 10:00 ales 11:00.

Chino
Atualmenter
Al chino de Cianacei
Anché, vender ai 22, sabeda ai 23 e domenia ai 24 de mèrz da les 21:15 l é »Race for glory–Audi vs Lancia«, sabeda ai 23 e domenia ai 24 da les 17:00 l é »Kung Fu Panda 4«, lunesc ai 25, mèrtesc ai 26 e mercol ai 27 da les 21:15 l é »The song remains the same«, n documentarie/conzert sui Led Zeppelin, jebia ai 28 da les 21:15 l é »Race for glory–Audi vs Lancia«. Program su www.cinemacanazei.it.
Atualmenter
Al chino de Tieser
Insnet, vender ai 22 da les 21:15 e domenia ai 24 da les 17:45 l é »Sound of freedom«, sabeda ai 23 da les 21:15 e domenia ai 24 da les 20:30 l é »Race of glory«, sabeda ai 23 da les 17:30 e mercol ai 27 da les 21:15 l é »Kina e Yuk, alla scoperta del mondo«, jebia ai 28 da les 21:15 per ‘Il piacere del cinema’ l é »Mirabile visione«. Program su www.cinematesero.com

Mujiga
31.03.
Cunzert da Pasca a S. Cristina
Coche da tradizion uniràl a s’l dé nce chëst ann l cunzert da Pasca n dumënia ai 31 de merz dala 20:30 tla dlieja de Santa Cristina. L sunerà l’urchestra de S. Cristina y l cianterà l VOXacord.
23.03.
Piz La Ila: Dolomites Music Festival
En doman sabeda ai 23 de merz dales 13:00 inant él sön Piz la Ila n festival de musiga cun DJ Andrea Martini, Thomas Dorsi, Marco Cavax, Karmine Emme, Stefy De Cicco. Ghesć speziai é le grup musical »Nervo« cun les döes jomelines Miriam y Olivia, y spo le DJ Nicola Fasano. Lapró gnarál fat n spetacul da cujiné cun Fabrizio Nonis. Le lift de Piz La Ila restará davert plü dî. An pó jí sö l’ultim iade dales 17:30 y an pó gní jö cina ales 19:00.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 28 de merz. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
22.03.
Deberieda: Jita a Fie cun pausa dal »Pitschlmann«
N vënderdi ai 22 de merz se ancunton dala 14.00 a Urtijëi dan la Cësa de Paussa per furné a Fie, ulache se fermeron pona nce pra l agriturism »Pitschlmann«. «Deberieda« ie na grupa cun ulenteres per se ancunté danter persones che à problems psichics o de sozialisazion.
22.03.
Dajon nce nëus na man per Pasca
Ncuei, vënderdi ai 22 de merz dala 09:00 inant, saràl ntan dut l di na mëisa sun la Pitla Plaza de Sant Antone a Urtijëi, ulache ulenteres dla sezion de Bulsan dl’AIL venderà de biei ueves da Pasca de ciculata. L’AIL ie na lia per la nrescida contra la malaties dl sanch coche leucemies, linfoms y mieloms.

Religion
23.03.
»Jesus, Kids & Teens«
A duc i mutons y jëuni dala terza elementera inant y duc chëi dla mesana! Da nëus ëis la puscibltà de viver l crëidum deberieda te na cumunità. Fajeron de biei workshop, adurazions, l sarà nce aurela curta cun devertimënt y muvi­mënt, chiet y reflescion, refe­rac nteressanc. N se anconta te calonia de Sëlva, tla sala dla Schiera Junila, ai 23 de merz dala 16:30 inant.
01. – 06.05.
Pelegrinaje a Medjugorje
Dal 1. ai 6 de ma 2024 vëgnel organisé n pelegrinaje al santuar de Medjugorje. Infor­maziuns plü menüdes ciafon pro Konrad y Cristine Sottara da La Val al 0471 843077 o al 338 5027312. Por preno­taziuns cherdé sö Daniele y Patrizia Agostini al 335 5268546.

Iadi y Jites
14. – 21.04.
Cures y palses a Abano Terme
Dai 14 ai 21 d’aurí vëgnel organisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.