La Usc di Ladins

Che al é chisc dis n gröm de jënt che rabësc sön nostes pistes y sön i implanc, chël é düc che vëiga. Mo che an ess chësc mercui n ghest tan particolar, ne s’esson bëgn no ponsé. Porsones dl post che jô sö cun le lift da Piculin s’á fat bindebó demorvëia da odëi che tla cabina che jô jöpert êl n vicel laite. Söinsom ái aspeté y bel avisa, canche ara rovâ sö zoruch, ê le passajier tres ciamó dailó. Ara se tratâ de na ciuita de bosch, che é por na rajun o por l’atra rovada ite tla cabina y é stada n pez dailó. Bonamënter ne s’un arára bëgn spo nia infidé da "lové fora" tla staziun a val. Canche ara é indere stada söinsom, él gnü tigní chit le lift. La ciuita particolara á n pü’ ciaré incërch, denanche pié le jore zoruch tla liberté. La natöra scrii tres indô de beles stories.  (pablo)