La Usc di Ladins

En sabeda ai 10 de forá é jüda a piz cun n gran conzert la cuarta ediziun de »Winto.klong«, n festival musical organisé dal zënter cultural »Grand Hotel« da Toblach, che s’oj ales ciantauturies y ai ciantauturs de döta la Euregio – Südtirol, Tirol y Trentin. Danter chës 30 bands che s’á candidé da fá para, él sté na juria che n’á chirí fora 6 por le gran final; y chëstes s’á spo lascé aldí en sabeda sön la paladina dl Grand Hotel. Danter chëstes êl ince la band d’Al Plan »Lu&Me« dla ciantarina Lucia Kastlunger y so compagn Matthias Bäuerlein, acompagná ai stromënc da Phillip Schörghuber, Arnold Mitterer y Mathias Köttner.

Ci che ai á porté dant, co che ara ti á buté y ci novités che aspeta, ves dijunse t’La Usc di Ladins di 23 de forá  (pablo)