La Usc di Ladins

Danter les tröpes ativités sportives sön la paladina internazionala, toca ince chëra dl winter triathlon: n sport dolarata jonn, nasciü ala fin di agn Nonanta, olache i atlec y les atletes mëss se mosoré te trëi disciplines desvalies: paslunch, roda y salté – ince les ultimes döes söla nëi. Le sport vëgn regolamenté tres la organisaziun "World Triathlon" cun sënta a Lausanne tla Svizera, tla Talia él la FITRI – la Federaziun Taliana de Triathlon. Dlungia les competiziuns a livel nazional y internazional, él ince sté tentatifs da fá adinfora na disciplina olimpica, ci che n’é cina incö nia ciamó garaté.
Por tan che le winter triathlon sides ciamó püch conesciü, ál sëgn ince tla Val Badia n jonn che s’á apascioné. Ara se trata de Sebastian Davare de 20 agn da La Ila, che pratichëia bele da 3 agn insö le paslunch y á propi tres le paslunch ciafé ligrëza cun chësta disciplina nöia.

T’La Usc dl 1. de merz nes cuntel co che al á metü man y ci alenamënc che al fej. Lapró podëise lí co che ara ti á buté ai campionac taliagn y ai campionac dl monn.  (pablo)