La Usc di Ladins

Le Comun da San Martin alda pro i pröms comuns de Südtirol che á ciafé dl 2022 la zertificaziun »Family Plus«. Sëgn ón savëi dales families tan contëntes che ares é cun i sorvisc y les strotöres, ciünes che i büta o ciünes che ares ess ion lapró, por capí damí te ci ciamps che an dess lauré. Sot al titul »Families tl Comun de San Martin de Tor« él gnü invié ia na inrescida online, olache les families pó dí la süa. Les porsones é inviades da respogne sön la importanza che cer’ sorvisc y strotöres á por ëres, sciöche ince sön le degré de contentëza impara. Al ne mancia nia domandes davertes, olache an pó scrí ci che les families adora por che ara ti vais bun, ci sorvisc che an se dejidrass ciamó, cina a propostes concretes por mioré sorvisc y ofertes. Por tó pert al chestionar pón cliché sön chësc link
https://www.gemeinde.stmartininthurn.bz.it/system/web/news.aspx?menuonr=219103619&detailonr=225519402-972&sprache=7  (pablo)