La Usc di Ladins

L Comitat de Marcialonga à dezidù data e post: l event olache vegnarà encoronà la neva Soreghina 2024 vegnarà endrezà en domenia ai 20 de aost da les 9 da sera de Piaza Italia fora Ciavaleis. Chel che enveze resta dut da veder l é l inom de la neva Soreghina, defat per doventèr la neva ambasciadora de la Marcialonga la candidatures é amò avertes.  

Chi sarèl la tousa chiamèda a raprejentèr l gran event sportif che tel meis de jené che vegn ruarà a sia edizion nr 51 e che ti egn se à moltiplicà per trei, jontan ai schi strenc ence la roda e la corsa? 

Chest l é amò dut da fèr fora, e la pruma domana che tropes se fèsc l é: chest’outa sarèl na fascèna o na fiemacia? Da canche l é stat metù su la fegura de la Soreghina enscin ades a se vadagnèr l titol l é stat 12 bezes da Fiem e 9 da Fascia, l an passà la corona era jita a Sabrina Pellegrin da Soraga, che cognarà ge la passèr apontin ai 20 de aost a sia suzessora. 

La touses che vel tor pèrt les cogn manèr ite al più prest n curriculum o na curta prejentazion olache vegne uzà fora la calitèdes scrites de sora. Maor oinformazions sul sit www.marcialonga.it.

De più su La Usc stampèda de vender ai 28 de messèl.  (LG)