La Usc di Ladins

Ala fin de ma él sté na mudaziun importanta tla staziun di verdabosc d’Al Plan. Do 16 agn, á Tone Rungger ofizialmënter dé jö la funziun da comandant dla staziun. La inciaria vëgn surandada por 4 agn, mo deache al jará l’ann che vëgn en pensiun, n’ál nia plü orü porté inant chësta mansciun. Tone Rungger, che é pro la forestala dal 1983 incá, é insciö gnü trasferí ti ofizi dl Ispetorat Forestal a Bornech. Le post da comandant é gnü surantut en via transitora da Pire Unterweger d’Antermëia, ince ël pro la forestala dal 1983 incá. Al sará comandant dla staziun cina ai pröms mëisc dl ater ann, canche ince ël jará en pensiun. Le post da comandant gnará insciö scrit fora danü.  (pablo)