La Usc di Ladins

Sëgn é finalmënter döt passé... le Covid y döt ci che taca lapró pê n pü’ passé… o ince nia! I dui agn passá tles condiziuns che nos düc conesciun, é gnüs vic da vignun de nos te na manira desfarënta. Por valgügn él sté n bel tëmp, deache an podô sté deplü cun la familia o deache le laur s’â sposté a ciasa. Por valch él sté n tëmp plëgn de emoziuns, sides positives co ince nia tan da sté saurí, suradöt sce ara nen jô da lauré cun la jënt plü sensibla o plü al prigo sciöche la jënt atempada. Les colaboradësses y i colaboradus é stá fortiscimi, mo sëgn éseres y ési stanc. I un orü cöie adöm n valgönes impresciuns personales de porsones che laora tl Raiun Sozial Val Badia, olache les desfides di ultims agn é stades dër granes.

T’La Usc di Ladins di 29 de messé podarëise lí intervistes cun la responsabla dl Raiun Sozial Siglinde Erlacher, cun la coordinadëssa dl sorvisc de Assistënza a ciasa Helga Trebo y cun la soziopedagoga Sabine Rainer. Ëres cunta co che ares á vit chësc tëmp de pandemia, co che le laur s’á mudé, ciünes che é stades les desfides y ince les sodesfaziuns.  (Antonia Castlunger)