Manco movimënt de jënt y manco trafich de auti a gauja dles restriziuns Covid-19 á orü dí manco tosser tles aries y na maiú cualité dles aries. Chësc á ciafé fora n stüde dl Laboratore Analises aria y radioproteziun dl’Ajentöra provinziala por l’ambiënt y la sconanza dl clima.
Moserá é gnüs i dac dl’aria tla spana de tëmp dai pröms de jená 2020 – fin d’aurí 2020 cun chi relatifs di ultims diesc agn. Le monitoraje á interessé i gasc liá al trafich por i auti y camions: le biossid de azot NO2, le monossid de azot NO y i stöps fins PM10. La cuantité de NO2 é stada dl mez plü bassa tla spana de tëmp jena–aurí de chësc ann respet ai medemi tëmps i ultims agn.
L’esperiënza fata ultimamënter é na motivaziun implü por la Provinzia de Balsan da mené do na mobilité plü sostenibla, ajache manco auti y manco trafich motorisé ó dí na miú aria y vire miú. La roda é le veicul che podess daidé cotan de chësc vers, dlungia al sorvisc de trasport publich che á indere sëgn na desfida da afronté por les restriziuns dl numer de passajiers a gauja dl coronavirus.
(Iaco Rigo)
Na aria plü nëta
Tratan les limitaziuns anticorona te Südtirol é le NO2 tles aries a Balsan, Maran y en ur’ dla A22 caré dl mez
Galaria retrac
View the embedded image gallery online at:
https://www.lausc.it/atualite/12668-na-aria-plue-neta#sigProId4984adf388
https://www.lausc.it/atualite/12668-na-aria-plue-neta#sigProId4984adf388
