La Usc di Ladins

La Ciasa de Palsa da San Martin de Tor á da dagnora incá bele n gran foyer, olache al é ince n pice bar intern. Dailó á berbesc, mëdes y chi che vá a i ciafé la poscibilité da se senté jö pro val’ da bëre a s’la cunté. Cun l’intenziun da integré tres deplü la strotöra tl paisc y la lié cun la jënt »deforaía«, él gnü tut la dezijiun da daurí n bar publich. Por ti dénlogoyninomalbarnü,á l’aministraziun tut la dezijiun da se lascé sön la fantasia y la creativité dla popolaziun y á porchël scrit fora n concurs de idees (La Usc á reporté). Danter les condiziuns êl che al foss n inom ladin, che respidlass ince le spirit dla Ciasa de Palsa. En sabeda ai 4 de ma domisdé éra stada tan inant che al é gnü protlamé i davagnadus, y chi á inom Bruno Ferdigg, Alessandra Crazzolara y Enea Crazzolara. L’inom che á davagné y che gnará tut ca é chël lauré fora da Ferdigg: "Barjënt" - n jüch de parores danter bar, arjënt y jënt.

Deplü sön le concurs, le significat dl inom y dl logo y les atres döes idees premiades ciafëise t’La Usc di Ladins di 10 de ma.  (pablo)