La Usc di Ladins

»N gran podëi comporta de gran responsabilités« é n proverb antich, che tröc ará forsc pormó aldí tl film »Spider Man«. Iadô stál na sapiënza che an pó traspone n pü’ te düc i ciamps olache ara nen vá de suzes, de superiorité, de podëi. Chësc proverb m’é tomé ite canche i á ciafé le comunicat por i 50 agn dl Dolomiti Superski. Chëra dl comprensor dolomitich – n früt de mënts vijio­nares interladines – é na storia de suzes, scrita dai pioniers che á albü le coraje da vaghé, da vijionars che á ciaré sura i ciampanis fora y á cherdü tl proiet ince canche le vënt ti soflâ decuntra. Chësta vijiun y colaboraziun – y zënzater ince le profit economich che é gnü para – á fat da cola danter les valades y á porté pro che le Dolomiti Superski é deventé un di comprensors dai schi plü gragn y plü stersc dl monn. (Comentar de Pablo Palfrader)

De plu tla edizion stampeda de La Usc di Ladins o sun l e-paper a paiament www.lausc.it/e-paper