La Usc di Ladins

En jöbia ai 13 de messé él garaté por le pröm iade a San Linert la manifestaziun ”Cëna sot les stëres”, pro chëra che i coghi chef de set hotí, alberc y restoranc de Badia á pité na cëna alaleria, tla bela culissa dla strada prinzipala da San Linert. Vigni cogo chef dles strotöres che á tut pert, á presenté na derzada, y insciö él garaté na cëna cun 7 derzades, dai antipasć, ai pröms cina ai secundi y al dessert. Döt cant acompagné da vins chiris fora, y incoroné dala musiga morjela dl grup ”SlimAsh”. I ves pitun chiló n valgönes impresciuns fotografiches coiüdes da Freddy Planinschek.

T’La Usc di Ladins di 21 de messé ciafëise deplü sön chësta serada particolara.  (pablo)