La Usc di Ladins

Se à serà su da pec dis l program radio »Interjoegn Volontariat« de la cobia de joegn speaker ladins Daniele Chiocchetti e Mattia Valentini, jit fora endèna l’aisciuda 2024 per la ones de Radio Gherdëina e su la piataformes de streaming online. 

La puntèdes, gustegoles da scutèr e riches de informazions, à portà dant diesc sociazions de volontariat che operea te Fascia e à vedù la partezipazion de joegn che, très sia oujes, à dit foradret che che vel dir esser volontadives e pèrt ativa de la comunanza daite de n grop che se dèsc ju per i etres. Coche à contà ogneun per soa realtà, segur te la vita de n volontadif l é n muion de roba beles, de stèr ensema, de se donèr ai etres, che dèsc sodesfazion e segnficat a la giornèdes; ogne tant no mencia fadies e empegnes ence grieves e che tol temp, a chi che però se pel passèr sorafora col didament del grop e di etres. 

De più su La Usc stampèda de en vender ai 26 de messèl.  (Thomas Zulian)