La Usc di Ladins

L projet per la neva senta del Comun General de Fascia, pervedù a Sèn Jan al post de la caserma Vittorio Veneto, ultim di frabicac militères fac su te chela area al scomenz del 1900, à soscedà n muie de critiches. Ence la sezion Trentina de Italia Nostra, la sociazion per la defendura del patrimonie storich, artistich e natural, é entervegnuda con na posizion forta. La presidenta Manuela Baldracchi disc de esser restèda de sas a veder che l’aministrazion publica vel bater ju chel frabicat storich per ge dèr lèrga a n »oggetto non identificato«.
Al document de Italia Nostra ge ò responet sobito Carlo Ganz, conseier de procura del Comun General de Fascia con competenza sui lurieres publics.

Podede lejer dut su La Usc stampèda de en vender ai 11 de otober.  (Lucia Gross)