La Usc di Ladins

I ves scrii por ves cunté n fat che m’é sozedü la jöbia ai 21 de setëmber – ince sce plü co n fat, se tratera (por me) propi de na dërta storia. I sá che bonamënter ne ves cuntarái nia de nü a os jënt dl post, mo iö sun n jonn scëmpl de Milan, che á vit na groaria tla munt. En chë jöbia sunsi jü cun mia lâ sön Börz. Le plan ê chël da rové pro la ütia Vaciara, mo tratan la escurjiun s’á mia lâ sintí mal. I capiarëis dessigü che por chi che n’é nia ausá da jí te munt, n’él forsc nia val’ plü da sté ert co messëi socodí na porsona a za. 2.000 metri danter i bosc, y al é propi porchël che i scrii. Defat, do le malester, él sté na copia de escurjionisć che m’á daidé da me mëte en contat cun le socurs de munt, plü avisa le »First Responder« da Lungiarü. Te manco co mesora dala cherdada nes á l’Aiüt Alpin da San Martin arjunt sö alalt y á socodí mia lâ.  (Letra de Stefano Ferraioli, Milan)

De plu tla edizion stampeda de La Usc di Ladins o sun l e-paper a paiament www.lausc.it/e-paper