La Usc di Ladins

Elisa, da olá vëgneste pa y can este pa rovada tla Val Badia?
Elisa I vëgni da Rolo, n pice paisc tla provinzia de Reggio Emilia. I sun rovada adalerch dl 2019. I laurâ tl restorant de mia uma, mo i orô m’un jí demez, deache mi paisc ne pitâ nia opor­tunités interessantes. I á chirí da laur te na ostaria a Corvara, i á telefoné la sabeda y le lönesc êi bele chiló.

Tan de sajuns aste pa lauré a Corvara?
I á lauré döes sajuns, spo él salté fora le Covid. Intratan ái conesciü mi chestian y á tut la dezijiun da resté a vire chiló. Iö á pordërt studié ert y la pandemia é stada na buna ocajiun por tó indô ca i corusc y depënje. I á ince indô tut ca la mascin da fá tatuaji. (Intervista: Katia Pizzinini)

De plu tla edizion stampeda de La Usc di Ladins o sun l e-paper a paiament www.lausc.it/e-paper